iklan

EKONOMIA, MUNISÍPIU, VIQUEQUE

Pagamentu subsídiu $200 iha suku Afaloikai kontinua la’o ho diak

Pagamentu subsídiu $200 iha suku Afaloikai kontinua la’o ho diak

Proses pagamentu subsídiu $200 iha suku Afaloikai lao hela. Foto Tatoli/ Vitorino Lopes da Costa

VIQUEQUE, 13 dezembru 2022 (TATOLI)— Xefe suku Afaloikai, Postu Administrativu Uatulari, munisípiu Viqueque, Constantino Guterres, informa pagamentu subsídiu findo ano $200 ba família uma-kain iha suku Afaloikai hahú iha segunda ne’e no prosesu hotu la’o diak .

“Pagamentu subsídiu $200 ba família uma-kain sira suku Afalokai nian ami hahú segunda horseik. Iha pagamentu ne’e ami-nia la’o di’ak laiha barullu ruma iha prosesu pagamentu nian laran”, Autoridade lokál ne’e hateten ba jornalista sira, iha suku Afaloikai, tersa ne’e.

Autoridade suku Afalokai ne’e hatutan, iha ninia suku horseik simu ona osan hosi Banku Nasionál Komersiu Timor Leste (BNCTL-sigla portugés) iha  tuku 09:30 OTL. Depois simu tiha osan, lori kedas ba suku hodi hahú proses pagamentu  ba benifísiariu sira iha suku Afaloikai.

“Horseik dader ami ba simu   osan iha Postu Administrativu Uatulari, fila mai halo kedas pagamentu ba família uma-kain sira. Iha pagamentu ne’e kada aldeia ida-idak,” dehan nia.

Nia dehan iha pagamentu ne’e,  aldeia Dasu-Uati maka simu uluk ona ho totál benifísiariu uma kain iha  113. Maibe iha uma kain neen (6) maka la simu tanba mosu  dupla no laiha fatin.

Tuir dadus benifísiariu hosi suku Afaloikai ho totál hamutuk 1.227. Pagamentu foin mak ba  aldeia rua.

“Molok simu osan ne’e, ha’u husu ona  ba família uma kain sira katak osan ne’ebé maka Governu fó ne’e findu ano nian ba ita boot sira prepara ba loron boot Natal,  ne’ebé labele uja ba atividade kultura ka buat sira seluk”, nia akresenta.

Jornalista   :Vitorino Lopes da Costa

Editóra       : Armandina Moniz

 

iklan
iklan

Leave a Reply

iklan
error: Content is protected !!