Top

Pe. Maubere husu ema hotu moris tuir fraternidade umana

Diretór Programa Edukasaun no Sidadania JPIC, Pe. Domingos Soares “Maubere”. Imajen Tatoli/Egas Cristovão.

DILI, 31 janeiru 2023 (TATOLI)—Diretór Komisaun Nasionál ba Justisa, Pas no Integridade Krisaun hosi Konferénsia Episkopál Timorense (CET, siglá portugés), Pe. Domingos Soares ‘Maubere’, husu ema hotu moris tuir fraternidade umana.

Notísia Relevante: Vise PM Santa Sé agradese PN aprova rezolusaun adota dokumentu fraternidade umana

‘’Ko’alia fraternidade ne’ebé hanesan kna’ar igreja ninian, atu hala’o buat hotu, moris hanesan maun no alin Maromak nia oan, hadomi Maromak no hadomi malu,” Pe. Mabuere hateten ba jornalista sira hafoin ramata enkontru ho Prezidente Repúblika (PR), José Ramos Horta, iha Palásiu Prezidensiál Nicolau Lobato, Bairru Pite, tersa ne’e.

Hasoru malu ne’e hanesan halo parseria igreja ho Estadu, oinsá kontinua hametin fraternidade umana Timor-Leste.

“Ne’ebé importante reflete fali ba ida-ne’e tanba iha konflitu barak demais, ne’ebé maun-alin de’it mak halo aat ba malu. Ita mak estraga malu, entaun oinsá ita tenke hala’o, ita buka atu fila-fali ba ita-nia abut sira, ba ita-nia kultura, hanoin ita mesak timoroan, depois ita ne’e sarani. Depois hosi kultura ninian ita ba iha uma lisan sira ita hakuak malu maibé depois tenke lori malu to’o iha igreja,” nia hateten.

Iha igreja mak timoroan nia uma lisan boot hotu-hotu tenke hakbesik iha ne’eba, hodi ne’e mak bele tama iha sosiedade hanesan ona masin no naroman.

“Ne’ebé hanesan problema sira-ne’e hotu, mai ko’alia ho Prezidente no Prezidente dehan buat sira-ne’e hotu, primeiru ita-nia formasaun moral. Ita rona malu apreende nafatin, hosi formasaun morál ne’ebé ita simu hosi inan-aman sira, eskola ho igreja, ita buka atu bele rezolve problema sira,” nia dehan.

Tan ne’e, dahuluk  hanoin ko’alia kona-ba lideransa ne’ebé di’ak no buat barak mosu dalabarak la kumpreende malu, tanba justisa laiha ema hala’o buat ruma dalaruma boot sira la ka’er metin ba justisa.

Durante sorumutu, Xefe Estadu hato’o sujestaun ba igreja bele fó resposta ba arte marsiál  liga ba joven sira oinsá iha atividade okupa mós joven sira hodi apreende tulun sosiedade.

Biban ne’e enkontru PR ho Komisaun Nasionál ba Justisa, Pas no Integridade Krisaun ko’alia mós eleisaun parlamentár 2023, oinsá komisaun ajuda povu hodi bele oinsá hili didi’ak  lideransa sira.

“Agradese ba Prezidente ho nia deklarasaun ne’ebé iha katak partidu ida-idak atu aprezenta nia programa ne’ebé aprezenta ho momoos ba povu nia di’ak,” nia hateten.

Notísia Relevante: PN aprova rezolusaun adota deklarasaun Pás Mundiál ho unanimidade

Jornalista : Nelson de Sousa

Editór       : Cancio Ximenes

Publisidade

Leave a Reply

Latest Post

error: Content is protected !!