DILI, 13 abril 2023 (TATOLI)— Institutu Jestaun Ekipamentu no Apoiu Dezenvolvimentu Infraestrutura, Institutu Públiku (IGEADE,I.P), iha trimestre dahuluk hosi janeiru to’o marsu ezekuta ona Orsamentu Jerál Estadu (OJE) 2023 hamutuk $460.369,61 (10%).
“Orsamentu ne’ebé aloka mai ami IGEADE, IP, hamutuk $4.613,844 ne’ebé ita ezekuta ona $460.369,61 ho nia pursentu 10,” Prezidente IGEADE,I.P, Hermenegilda da Costa Laurentina dehan ba Agência Tatoli iha knaar-fatin, Colmera, Dili, kinta ne’e.
Hosi orsamentu sira ne’ebé ezekuta ona, nia obligasaun $522,510,00 (11,32%), komitmentu $1.167,672 (25,30%) no balansu mak $2.457.633,89 (53,27%).
“Ba ezekusaun trimestre dahuluk nian ita foin atinje 10%, tanba ita foin loke konkursu públiku entaun seidauk halo pagamentu ba kompañia sira,” nia dehan.
Susesu ne’ebé IGEADE,I.P halo iha ezekusaun ne’e mak kontinua halo esforsu hodi halo melloramentu estrada no loke estrada foun ba komunidade iha área rurál sira.
Jornalista : Arminda Fonseca
Editora : Armandina Moniz
