DILI, 18 abríl 2023 (TATOLI)—Prezidente Institutu Nasionál Defeza Direitu ba Labarik (INDDICA, sigla portugés), Dinorah Granadeiro, husu emposadu na’in-neen (6) ne’ebé asina ona kontratu atu servisu hodi kontribui ba dezenvolvimentu INDDICA nian iha futuru.
“Presiza imi na’in-neen (6) ninia kontribuisaun hodi nune’e bele haforsa no dezenvolve INDDICA ho di’ak liután iha futuru,” nia hateten iha komunikadu imprensa ne’ebé Agência Tatoli asesu, tersa ne’e.
INDDICA presiza rekursu umanu hodi garante labarik sira iha Timor-Leste atu goza duni sira nia direitu ne’ebé konsagra ona iha konstituisaun.
Emposadu na’in-neen (6) ne’e hanesan Jesuinha Manuela Soares (pontu fokál finansa), Suzi Patrocinio Sarmanto (Tékniku Monitorizasaun), Natalino Dos Santos (Tékniku Apoiu Juridiku), Dinis Lacerda (Tékniku Apoiu Juridiku), Jaimito Faria Araújo (Motorista Operasionál), Joana Gago (Asistente Administrasaun).
Jornalista : Osória Marques
Editór : Cancio Ximenes
