LOSPAlOS, 02 maiu 2023 ( TATOLI) – Sekretariadu Tékniku Administrasaun Eleitorál (STAE) Munisípiu Lautém, ohin halo’o enkontru ho fiskais husi partidu polítiku sira atu fasilita servisu hamutuk hodi bele fó susesu ba eleisaun parlamentár ne’ebé sei akontese iha loron 21 maiu 2023.
Diretór STAE Munisípiu Lautém, Sergio Belmonte, hateten enkontru ne,e ho objetivo atu fahe informasaun ba fiskais sira kona-ba substánsia lei sira ba prosesu eleisaun no oinsá monitoriza prosesu kontajen votus iha sentru votasaun sira.
“STAE Munisípiu nia papél mak servisu hamutuk ho fiskais partidu sira hodi fó informasaun kona-ba subsantásia saida mak sira bele halo iha prosesu eleisaun parlamentár to,o kontazen votus iha Sentru votsaun sira iha Munisípiu Lautém,” Diretur Sergio Belmonte hateten ba TATOLI iha edifísiu STAE, Kartini I Lospalos, Munisípiu Lautém, terca ne,e.
Nia subliña, fiskais partidu polítiku sira prisija hatene sira-nia funsaun ho loloos atu nune’e bainhira observa prosesu eleisaun parlamentár labele iha konfuzaun, se lae fiskais partidu polítiku sira sei halo hotu funsaun brigada sira husi STAE.
“Inkontru ida ne,e Ita hakarak informa loloos saida mak sira bele halo no saida mak sira labele halo atu labele impede fali servisu brigada sira husi STAE Munisípiu nian, ho nune’e ita bele mantén komunikasaun no kordenasaun ba malu hodi fó susesu ba elisaun parlamentár 21 maiu 2023,” nia konklui.
Entertantu enkontru refere hetan partisipasaun másmu hosi fiskais 17 partido politiko ne’ebé sei compete ba iha eleisaun parlamentár tinan ne’e.
Jornalista: Camilio de Sousa
Editora: Nelia Borges
