MSSI ezekuta ona OJE 2023 millaun $4.8
DILI, 06 juñu 2023 (TATOLI)–Diretór Nasionál Orsamentu Jestaun Finansa no Patrimoniál MSSI, Jimmy Valente de Orleans dos Reis, hateten hahú fulan-janeiru mai to’o juñu 2023, Ministériu Solidariedade Sosiál no Inkluzaun (MSSI) ezekuta ona Orsamentu Jerál Estadu (OJE) hamutuk millaun $4.8 (15,8%) hosi osan alokadu $30.717.108.
Notísia Relevante: PN aprova OJE 2023 ba MSSI ho montante millaun $30,7 iha espesialidade
“Hosi 15,8% ekivalente ba osan ne’e hamutuk millaun $4.8, maibé ida-ne’e inklui mós reál ho obrigasaun no restu sei iha kompromísiu nian,” nia dehan ba Agência Tatoli iha nia kna’ar fatin Caicoli, segunda ne’e.
Diretór Nasionál Orsamentu Jestaun Finansa no Patrimoniál MSSI ne’e hateten, programa boot rua mak MSSI prioritiza programa rua mak boa-governasaun $1.041.553 no jestaun instituisionál $6.685.906 no mós MSSI nia programa ida mak inkluzaun sosiál ho nia osan $1.597.545.
Nia hatutan, deskrisaun hosi pursentu ne’e despesas com pesoal 30.8%, hosi osan alokadu $4.786.152, kompromísiu $7.360, obrigasaun $20.864, real $1.455.060,22 no saldo hela $3.302.867,78; Aquisição de bens correntes 16.8%, hosi osan alokadu $754.068, kompromísiu $38.794,58, obrigasaun $3.975,92, real $122.641,48, no saldo hela $588.656,02; Aquisição de serviços correntes 12.1%, hosi osan alokadu $3.346.154,36, kompromísiu $254.332,50, obrigasaun $95.257,40, real $309.877,61 no saldo hela $2.686.686,85.
Rendas ka aluga sasan 30%, hosi osan alokadu $12.000, obrigasaun $3.600, no saldo hela $8.400; transferências correntes 8.8%, hosi osan alokadu $19.859.553,64, kompromísiu $704.500, real $1.739.669, no salde hela $17.415.384,64 no Aquisição de capital 56.4%, hosi osan alokadu $1.959.180, kompromísiu $312.994,10, obriagsaun $1.105.279,81 no saldo hela $540.906,09.
“Nune’e, ita-nia ezekusaun foin mak atinje 15.8%,” nia dehan.
Kona-ba akizasuan ben kapitál ne’e, nia dehan, halo anotasaun ba edifísiu haat hanesan Sentru Solidariedade Sosiál Ainaro, Sentru Solidariedade Sosiál Aileu, Sentru Solidariedade Sosiál Liquiça no Sentru Solidariedade Sosiál Viqueque.
“Ba ita-nia anotasaun edifísiu ne’e prosesu kontinua la’o hela desde tinan kotuk, maibé infelizmente seidauk bele finaliza obra tanba kestaun fatór natureza nian,” nia dehan.
Nia dehan, kuandu ko’alia kona-ba ezekusaun MSSI nian ne’e la’o hela hanesan programa bolsa da mãe kondisionál ho bolsa da mãe jersaun foun.
Jornalista : Osória Marques
Editór : Cancio Ximenes
