AMD: Hakoi mate besik uma fó impaktu ba ema-nia saúde
DILI, 13 juñu 2023 (TATOLI)–Prezidente Autoridade Munisípiu Dili (AMD), Guilhermina Filomena Saldanha, hateten hakoi mate besik uma fó impaktu ba ema-nia saúde no ba komunidade.
Notísia Re;evante: AMD: Labele hakoi mate iha uma oin, hakoi iha rate
“Hakoi mate besik uma ne’e probidu tanba haree ba fatór saúde. Bainhira ita hakoi mate iha ita-nia uma oin mak uza tan bee iha sorin no viziñu mós uza entaun ita haree ba la saudavel duni. Tuir lei no orden públiku katak labele duni hakoi mate besik uma,” Guilhermina Filomena Saldanha hateten ba Agência Tatoli, iha nia servisu fatin Matadouro, tersa ne’e.
Nia hateten, Autoridade Munisípiu Dili iha xefe aldeia no xefe suku sira mak iha terrenu atu fó informasaun ba komunidade, hodi labele hakoi mate iha uma oin maibé tenke ba hakoi iha rate.
Ïda-ne’e prejudika ba saúde tanba uza bee mai hosi rai, entaun bele dehan fó mós impaktu ba saúde,” nia dehan.
Jornalista : Osória Marques
Editór : Cancio Ximenes
