iklan

DESPORTU, ERMERA, HEADLINE

Kopa FFTL-Telkomcel abertura iha Ermera atu buka fini jogadór

Kopa FFTL-Telkomcel abertura iha Ermera atu buka fini jogadór

ERMERA, 15 juñu 2023 (TATOLI) – Prezidente Federasaun Futeból Timor-Leste (FFTL) Francisco Jerónimo, hateten objetivu hosi jogu ne’e hanesan faze apuramentu ida ba to’o nível rejionál to’o nasionál bainhira jogadór sira iha talentu ne’ebé di’ak sei hili ba joga iha nível internasionál.

“Jogu ida ne’e hanesan faze apuramentu ida atu nune’e ami haree jogadór ne’ebé di’ak ami hili ba joga iha nível nasionál no reprezenta Timor-Leste ba joga iha eventu internasionál sira”, Prezidente FFTL dehan iha nia intervensaun bainhira abertura ba jogu FFTL-Telkomsel Cup iha Estádiu Glenu, kinta ne’e.

Nia dehan kopa FFTL-Telkomcel ne’e hala’o ba dala tolu ona no konsege hetan jogadór barak, tanba ne’e mak loke tan ba munisípiu sira atu prodúz jogadór barak liután.

“Tlekomcel cup ita halao konsege prodúz jogadór ne’ebé barak agora joga ona iha selesaun nasionál, agora ita hakarak buka jogadór barak liután hahú U-17 to’o senior”, nia dehan.

Iha jogu FFTL-Telkomcel cup ne’e hetan jogadór di’ak barak sei lori ba joga iha selesaun nasionál.

Jogu ne’e fó prioridade ba jogadór sira U-17 no iha Ermera hanesan loke ofisiál iha 17 juñu sei abertura iha teritóriu nasionál hotu.

Iha binan ne’e, Ceo Telekomcel Benedictus Ardianto Priyo haeten, jogu ne’e hanesan faze ida atu promove talentu juventude sira iha mundu futeból.

“FFTL-Tlekomcel cup ne’e hakarak promove ita-nia joven sira-nia talentu atu prepara futuru jogadór Timor-Leste nian bele ba joga iha mundu internasionál,” dehan Ceo ne’e.

Iha jogu ne’e Munisípiu Ermera hamutuk klube sia mak hanesan, FC Lahai, Mohil FC, NKF FC, Tuna FC, Gaper FC, Nazare FC, Aguaver FC, Emarui FC, Hatuleta FC.

Iha abertura ne’e ekipa rua hosi FC Mohil VS Agover FC, iha jogu ne’e termina ho rezultadu 4-0.

Jornalista: Horetncio Sanchez

Editór : Zezito Silva

iklan
iklan

Leave a Reply

iklan
error: Content is protected !!