Formasaun ba joven feto iha dalen portugeza sei hein asinatura
DILI, 21 juñu 2023 (TATOLI)—Parseria entre entidade Timor-Leste Autoridade Munisípiu Dili (AMD) no Asosiasaun União das Cidades Capitais da Lingua Portuguesa (UCCLA), ne’ebé sei halo prosesu formasaun ba joven feto timoroan sira iha dalen portugeza no iha área oioin ne’e sei hein asinatura atu bele implementa programa ne’e.
Notísia Relevante: Funsionáriu AMD partisipa iha formasaun dalen portugés
Prezidente Autoridade Munisípiu Dili (PAM), Guilhermina Filomena Saldanha Ribeiro. Heteten tuir planu UCCLA no AMD tenke asina iha fulan outubru tinan kotuk, kona-ba formasaun kapasidade no koñesimentu transversa iha área komérsiu no turizmu, edukasaun no seluk tan maibé ema-ne’ebé responsavél mak iha Portugál no la’ós iha Timor, nune’e hahú adia to’o fulan-agostu oin mai.
“UCCLA no ami haprosima ona ba Asosiasaun Emprezarial Timor-Leste nian ba Feto hodi fó formasaun ba joven feto sira. Agora daudaun ami hein hela ema ne’ebé tau matan ba formasaun atu asina akordu ne’e hodi hahú formasaun,” Guilhermina Filomena Saldanha Ribeiro hateten ba Agência Tatoli, iha Caicoli, kuarta ne’e.
Nia hateten. tuir rekezitu UCLA nian katak importante tebes atu Timor-Leste no Portugál asina akordu ida ba jestaun finanseira.
Tuir Prezidente Autoridade nian ne’e, Uniaun Europeia sei fó fundu espesífiku iha forma fundu ida ba formasaun ne’e.
Jornalista : Osória Marques
Edoitór : Cancio Ximenes
