Janeiru-juñu, Terra Propriedade Covalima kontribui reseita $32,000 ba kofre Estadu
COVALIMA, 27 juñu 2023 (TATOLI)–Diretór Terra no Propriedade Covalima, Saul Quintão Gusmão Cardoso, hateten hhú fulan-janeiru to’o fulan-juñu tinan 2023 ne’e, terra no propriedade Covalima kontribui reseita $32,000 ba kofre Estadu.
“Hahú fulan-janeiru to’o fulan-juñu tinan 2023 ne’e, hosi Terra no Propriedade Covalima ami kontribui reseita $32,000 ba kofre Estadu,” Diretór Terra no Propriedade Covalima, Saul Quintão Cardoso, hateten ba Agência Tatoli, iha nia kna’ar fatin Covalima, tersa ne’e.
Terra no Prorpiedade Covalima kontribui reseita ne’e mai hosi, komunidade okupa rai Estadu hodi kontribui arendamentu rai, ba kofre Estadu hanesan barak liu komunidade uza hela fatin.
“Terra no propriedade aplika arendamentu iha munisípiu Covalima durante ne’e, ami hala’o mak postu Tilomar, Zumalai, Fatumea no Maucatar maibé postu Fohorem ho Fatululik mak seidauk,” nia dehan.
Funsionáriu ne’ebé servisu iha Terra no Propriedade Covalima hamutuk nain-10 hosi ne’e funsionáriu permanente na’in-haat (4) no funsionáriu kontratadu na’in-neen (6).
Antes ne’e, loron 12 abril 12 tinan 2022, eis Diretór Terras no Propriedade Munisípiu Covalima, Helder Godinho Martins, bazeia ba lei númeru 1/2003 ko’alia kona-ba tipu arendamentu mak hanesan tipu arendamentu rai Estadu no rai privadu abandonadu hanesan sidadaun Indonézia no portugés husik hela no na’in iha maibé hela Dili sidadaun seluk okupa entaun terra iha kompeténsia atu administra.
Sidadaun ne’ebé halo arendamentu ba Estadu selu ki’ik ba sidadaun ne’ebé okupa rai hodi hela, selu de’it $10.00 to’o $15.00 halo ema aluga selu $20.00 to’o $30.00
Ho nune’e, Terra no Propiredade Covalima kontribui ona reseita $20.00 resin ba kofre Estadu maibé depende mós sidadaun sira halo arendamentu hodi selu iha banku.
Tuir dadus hosi Terra no Propridade Covalima, rejista sidadaun selu permanente hodi okupa rai Estadu hamutuk na’in- 48 hahú selu iha tinan 2005 to’o ohin loron no ba sidadaun ne’ebé mak okupa rai privadu hamutuk na’in-20-resin.
Jornalista : Celestina Teles
Editór : Cancio Ximenes
