DILI, 03 jullu 2023 (TATOLI)— Vise Ministra Solidariedade Sosiál no Inkluzaun (MSSI), Céu Brites, hateten sei servisu hamutuk ho funsionáriu MSSI tomak atu atinje susesu iha futuru.
“La’ós ha’u no Ministra mesak mak atu hala’o servisu, maibé ho funsionáriu hot-hotu tenke servisu hamutuk hodi atinje susesu iha futureu Ami mai la’ós atu halo buat foun, maibé atu kontinua servisu ne’ebé durante ne’e hala’o ona hosi ita-boot sira,” Céu Brites hateten hafoin hala’o serimómia entrega servisu hosi ministra no vis eministra sesante, Armanda Berta no Signi Verdial, ba ministra no vise ministra foun iha edífísiu MSSI, Caicoli, segunda ne’e.
.Ministra Solidariedade Sosiál no Inkkuzaun (MSSI) sesante, Armanda Berta dos Santos husu ministru foun atu kolabora ho tékniku hodi aselera Planu Estratéjiku Dezenvolvimentu Nasionál (PEDN) 2011-2030, liu-liu kontinua haree ba ema vulnerável sita.
Ministra no Vise Ministra sesante entega relatóriu servisu durante mandatu VIII Governu Konstitusionál, segunda (03 jullu) ne’e, hahú husi tinan 2018-2023 ba lideransa foun MSSI nian hodi kontinua soi liutan servisu asuntu sosiál ba sidadaun sira liu-liu sira-ne’ebé vulnerável.
“Husu ba lideransa foun MSSI atu nafatin servisu hamutuk ho tékniku sira hodi alkansa objetivu sira ne’ebé prevé iha Planu Estratejiku Nasionál, liu-liu kontinua soi liutan servisu asuntu sosiál ba sidadaun sira liu-liu sira ne’ebé vulnerável,” nia hateten.
Notísia Relevante: PM Xanana: “Loron 120 sei anula lei kria munisípiu Ataúro-konsolida pás”
Jornalista : Osória Marques
Editór : Cancio Ximenes
