Meta Mali rekomenda Oan Soru kontinua programa ne’ebé seidauk finaliza
DILI, 05 jullu 2023 (TATOLI)— Ministru Asuntu Kombatente Libertasaun Nasionál (MAKLM) sesante, Júlio da Costa “Meta Mali”, rekomenda ba ministru foun Gil da Costa “Oan Soru” atu kontinua nafatin programa ne’ebé durante ne’e seidauk finaliza.
Notísia Relevante: Posibilidade Governu foun mak sei halo validasaun dadus veteranu rejistadu 2009
“Ha’u apresia no agredese tanba na’in mak mai fali hodi kontinua no ami hein katak planu tomak durante tinan lima nian tenke tein tasak tiha mak sai, maibé atu buras liu mak presiza nia prezensa iha ne’e/ Tanba ne’e, ha’u rekomenda ba ministru foun katak buat barak liu ami seidauk halo nune’e ho prezensa Ministru ho vise bele kontinua no konklui nune’e bele progresu iha futuru,” Meta Mali hateten ba Agência Tatoli hafoin hala’o serimónia entreg servisu na ministru foun Gil da Costa Öan Soru” iha edifísiu MAKLM, Caicoli, segunda ne’e.
Eis Ministru ne’e hatutan, ministru foun ne’e hatane ona programa no planu MAKLM nian tanba nia mós eis Sekretáriu Estadu Asuntu Kombatente Libertasaun Nasionál no mós sai Ministru Interinu iha ne’e.
“Ha’u fiar, sira na’in-rua. sei kompleta sasán sira-ne’ebé mak ita seidauk halo, tanba nia mós eis Sekretáriu Estadu no Ministru Interinu. Tanba ne’e, ha’u fiar katak sira sei finaliza buat ne’ebé seidauk hotu iha tinan lima nia laran,” nia dehan.
Nia hateten, progresu lubuk ida mak durante ne’e konsege halo ona mak hanesan
hakoi restu mortál, validasaun veteranu 2019 nian, inklui foti dadus uma lisan, no seluk tan.
Notísia Relevante: MAKLN sei haloot restu mortál 3.740-resin iha 2023
Jornalista : Osória Marques
Editór : Cancio Ximenes
