STAE rejista eleitór iha diáspora no rai-laran hamutuk 893.838
DILI, 13 julu 2023 (TATOLI)—Diretór Jerál Sekretariadu Administrasaun Eleitorál (STAE), Acilino Manuel Branco, hateten to’o fulan-jullu tinan ne’e STAE rejista eleitór iha rai-li’ur mo rai-laran hamutuk 893.838.
Notísia Relevante: STAE prevee millaun $9 ba eleisaun xefe suku
“Ita rejistu to’o 10 jullu eleitór hamutuk 893.838 ne’ebé kompostu hosi feto hamutuk 464.400 no feto hamutuk 429.438, maibé ida-ne’e inklui mós eleitór foun sira,” Acilino hateten ba Agência Tatoli, iha nia kna’ar fatin Caicoli, kuarta ne’e.
Acilino hatutan, hosi númeru 893.838 ne’e, eleitór sira diaspora hamutuk 1.853 no iha rai-laran ne’e hamutuk 58.756.
Hosi totál eleitór hirak ne’e, hosi munisípiu Aileu hamutuk 35.128, Ainaro 48.185, Ataúro 4.288, Baucau 99.724, Bobonaro 72.951, Covalima 49.469, Dili 191.450, Ermera 85.593, Lautém 49.577, Liquiça 53.286, Manatuto 36.651, Manufahi 42.310, RAEOA 54.645, no Viqueque 58.756.
Eleitór sira ne’ebé rejista iha diaspora hanesan iha Austrália ne’e eleitór hamutuk 2.243, Korea Súl hamutuk 1.595, Inglatera hamuutk 3.716, Irlandia Norte hamutuk 2.418 no Portugal hamutuk1.853.
Hosi númeru ne’e, nia dehan, STAE iha munisípiu sira hotu sei kontinua halo resensiamentu no atualiazasaun baze dadus iha territóriu nasionál, tanba halo preparasaun ba eleisaun xefe suku nian ne’ebé besik ona/
Tanba ne’e, nia husu ba eleitór sira-ne’ebé foaun no eleitór sira-ne’ebe sira-nia kartaun eleitoral lakon, muda fatin, no kartaun eleitorál tohar ka aat ne’e, atu hakbesik aan ba edifísiu STAE muisipál atu troka ka halo foun fali.
Jornalista : Osória Marques
Editór : Cancio Ximenes
