iklan

DILI

SEII foku ba empoderamentu feto iha Timor-Leste

SEII foku ba empoderamentu feto iha Timor-Leste

Sekertaria Estadu Igualidade, Elvina de Sousa Carvalho. Imajen Tatoli/Francisco Sony.

DILI, 17 jullu 2023 (TATOLI)—Sekretariadu Estadu Igualdade no Inkluzaun (SEII), Elvina de Sousa Carvalho, hateten programa SEII nian foku ba dezenvolvimentu no empoderamentu feto iha Timor-Leste.

“Programa SEII ne’e foka ba dezenvolvimentu feto no empodera feto, hodi bele iha finansa independente liuliu vítima bazeia ba jéneru no asegura implementasaun hosi deklarasaun Maubise, Planu Asaun Nasionál (PAN) nu’udar kompromisiu Estadu atu atinje igualdade jéneru,” Elvina Sousa Carvalho hateten ba Agência Tatoli hafoin partisipa aniversáriu ba dala-26, iha salaun João Paulo II, Comoro, segunda ne’e.

Nia dehan, programa prioridade SEII iha hodi halo advokásia no ba lina ministerial implementadór sira hodi kria kondisaun ba feto sira partisipa iha setór ekonomia.

“Kria kondisaun ba feto sira, atu bele partisipa setór ekonomia. Ida-ne’e mós sai prioridade ba SEII hodi haree, la’ós de’it partisipa iha vida polítika maibé feto mós tenke partisipa iha setór ekonómia. Tanba autor ekonómia nian mós feto barak, nune’e sira mós presiza iha enkuadramentu legál ba sira,” nia hateten.

Tanba ne’e, nia dehan, dahuluk emprezaria feto sira tenke empodera sira-nia aan no instituisaun Estadu mak asegura liuhosi ninia polítika.

“Ha’u hanoin, programa prioridade SEII iha loron 120 mak dahuluk partisipa iha formulasaun programa Governu nian, no segundu mak Orsamentu Retifikativu,” nia hateten.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!