COVALIMA, 21 setembru 2023 (TATOLI)–Governu liuhosi Ministériu Justisa (MJ), Amândio de Sá Benevides, ho nia ekipa hala’o vizita hodi hatene situasaun no preokupasaun hosi guarda prizonál iha estabelesimentu prizaun Suai.
“Ha’u hala’o vizita hakarak mai haree besik situasaun estabelesementu prizaun Suai hodi ko’alia ho diretór estabelesimentu ho guarda prizonál sira kona-ba situasaun dezempeñu no sira-nia preokupasaun ne’ebé durante sira enfrenta,” Ministru Justisa, Amândio de Sá Benevides, hateten ba jornalista sira, hafoin vizita iha prizaun Suai, kinta ne’e.
Governu hala’o vizita atu rona preokupasaun hosi Guarda prizonál hodi prepara atu tama planu asaun anuál, nune’e liuhosi vizita hodi bele konsidera guarda prizonál sira-nia preokupasaun bele prevee iha Orsamentu Jerál Estadu tinan 2024.
Durante hala’o enkontru, guarda prizonál sira aprezenta sira-nia preokupasaun hanesan laiha ekipamentu apoiu seguransa, CCTV, grau, rejime jerál no espesiál sira ko’alia saida mak sente, nune’e Ministériu no diretór sira anota atu bele buka solusaun ba situasuan hirak ne’e.
Aleinde Ministru Justisa haree direta situasaun lroro-loron guarda prizonál sira-nian, nia mós haree mós prezu-sira ne’ebé hetan ona kondenasaun no balun prizasaun preventiva halo diálogu atu haree sira-nia situasaun, nune’e Ministériu bele halo programa.
Hafoin hala’o enkontru ho guarda prizonál iha estabelesementu prizaun Suai, ministru justisa ho nia ekipa hala’o vizita ba administradór Covalima hodi halo diskusaun oinsá MJ bele halo nia desempeñua atu ajuda administrasaun lokál, servisutTerra no propriedade no tau ai-funan iha momentu masakre setembru negro 1999.
Tuir planu, iha loron 22 fulan-setembru Ministru kontinua hala’o vizita iha servisu rejistu notariadu Covalima, defensória públika no mós Tribunal Distritál Suai.
Guarda prizonál, Timotio São Gabriél, hato’o preokupasaun ba Ministru atu haree estatutu guarda prizonál, ekipamentu seguransa ba guarda prizonál sira.
“Ami presiza ekipamentu, tanba ami lori prezu sira ba ospitál have borgol (alsema) de’it mós laiha atu asegura prezu bainhira sai ba li’ur no mós presiza monta CCTV, nune’e ami bele kontrola,” nia hateten.
MJ sei fó sai informasaun kona-ba kaderneta pasaporte
Aleinde ne’e, Ministru Justisa (MJ) Amândio de Sá Benevides hateten, bainhira kaderneta pasaporte to’o iha Timor-Leste ne’e Ministériu Justisa parte sei fó sai informasaun ba públiku bainhira kompañia transporta ona kaderneta pasaporte to’o iha Timor-Leste
“Ita halo atendementu bainhira kaderneta pasa porte to’o mai iha Timor-Leste no kaderneta pasa porte to’o mai ona. sei fó hanete ita boot sira kaderneta to’o mai ona,” Amândio de Sá Benevides hateten ba Agência Tatoli, iha resintu edifísiu tera propriedade Covalima, kinta ne’e.
Kaderneta pasaporte, nia dehan, transporta hosi rai-li’ur depende kargu aviaun, oinsá sei rezolve selu taxa, iha aeroportu ka portu nia prosesu aprovizionamentu no pagamentu.
Tuir kontratu kompañia fornsedór mak sei lori kanderneta pasaporte mai iha Ministériu Justisa (MJ) nune’e Ministériu Justisa simu iha Díli.
“Ita hein fim setembru semana hirak ne’e ita bele iha ona pasaporte, tanba ba faze dahuluk kaderneta pasaporte mai1.000 hafoin 16.000 tuir kontratu ne’ebé ezistente,” nia dehan.
Kaderneta pasaporte la’ós Timor-Leste mak halo emprime maibé halo emprime iha Finlándia nune’e tenke hein bainhira kaderneta pasa porte to’o ona díli foin bele halo atendimentu ba sidadaun sira-ne’ebé atu trata pasaporte, nune’e bele viajen ba estranjeiru.
“Ita garante iha setembru nia rohan, ita bele iha ona kaderneta pasaporte tanba la’ós ita mak halo imprime iha Finlándia, nune’e ita hein kaderneta pasaporte to’o mai,” nia hateten.
Antes ne’e, iha loron 05 fulan-jullu Ministru Justisa hala’o viajen ba estranjeiru hodi observa direta produsaun pasaporte ne’ebé empreza Visi Mitra no Thales prodús iha Finlándia.
Ministru Justisa hala’o viajen hodi observa produsaun kaderneta pasaporte bainhira hetan orientasaun hosi Xefe Governu Xanana Gusmão observa direta produsaun pasaporte.
MJ observa direta situasaun serbisu iha Notariadu Covalima
Entretantu, Ministru Justisa (MJ), Amândio de Sá Benevides, sesta (22/09) ne’e, ho nia ekipa hala’o observasaun direta situasaun iha Servisu Munisipál Rejistu Notariadu (SMRN) Covalima.
Ministru Justisa (MJ), Amândio de Sá Benevides, hateten hala’o vizita atu haree direta situasaun servisu nune’e hodi prepara ba planu anuál atu responde no oinsá atu haree situasaun notariadu durante ne’e preokupasaun falta atendimentu Billete Identidade (BI), pasaporte no sertidaun RDTL.
“Iha vizita ne’e ko’alia ho diretór no funsionáriu ne’ebé atu buka hatene saida mak sira enfrenta, nune’e bele buka dalan hodi fó solusaun no oinsá ita atende públiku hodi servi noa atu mollora povu nia moris,” Amândio de Sá Benevides hateten ba jornalista sira, sesta-ne’e
Governante ne’e, halo ona enkontru ho diretór no halo diskusaun atu dezenvolve servisu liuliu kona-ba servisu rejistu notariadu nian, terra no propriedade, hodi diskute dezenvolvimentu servisu, nune’e tinan ne’e haree mós planu durante loron 120 nian.
Jornalista : Celestina Teles
Editór : Cancio Ximenes
