MNEK partisipa AIS forúm iha Bali
DILI, 09 outubru 2023 (TATOLI) – Ministru Negósiu Estranjeiru no Kooperasaun (MNEK), Bendito dos Santos Freitas ho Sekretáriu Estadu Peskas (SEP), Domingos da Conceição dos Santos, ho delegasaun, iha ona Bali Indonézia, hodi partisipa iha Archipelagic and Island States (AIS) forúm.
“Enkuantu, iha 11 outubru 2023, MNEK sei akompaña Primeiru-Ministru, Kay Rala Xanana Gusmão hodi partisipa iha AIS forúm Xefe Estadu no Governu durante loron ida”, hatete iha komunikadu ne’ebé Agência TATOLI asesu hosi media MNEK, segunda ne’e.
MNEK ho nia delagasaun, simu direta hosi Direto For Energy Kementrian Koordinator Kemaritiman dan investasi, Ridah Yasser no Konsul Jerál Timor-Leste iha Bali, Aleixo da Silva, iha Aeroportu Internasionál I Gusty Ngurah Rai Bali Indonézia.
Tuir oráriu, 10 outubru 2023, Ministru MNEK, Bendito Freitas sei partisipa iha ministeriál meeting iha AIS Forúm sei ko’alia asuntu importante Timor-Leste nian balun iha atividade nivél internasionál ne’e.
Jornalista: Hortencio Sanchez
Editór : Zezito Silva
