iklan

DILI, KAPITÁL

Funsionáriu AMD limitadu hodi kontrola jardín sira iha Dili

Funsionáriu AMD limitadu hodi kontrola jardín sira iha Dili

Konstrusaun Uma Laku no reablitasaun Jardín Faról ne’ebé konstrui hosi empreza Seven Star Dini, nakloke ona ba públiku atu asesu tanba empreza hetan ona despaixu hosi Ministériu Obra Públika (MOP), sesta (12 janeiru 2023). Imajen Tatoli/António Daciparu.

DILI, 12 dezembru 2024 (TATOLI)–Diretór Servisu Munisipal Água, Saneamentu no Ambiente iha Autoridade Munisípiu Díli (AMD), Hermínio Moniz Ribeiro, hateten AMD iha funsionáriu limitadu hodi koloka seguransa no kontrola jardín sira iha kapitál Dili.

Notísia Relevante: Reabilitasaun jardín Faról bazeia ba BoQ hosi Governu

Hermínio Moniz Ribeiro hateten, atualmente funsionáriu ba kontrola jardín sira iha kapitál hamutuk 24 de’it ne’ebé halo servisu ba kontrola no halo manutensaun ba jardín no servisu sira seluk iha AMD.

“Jestaun ba jardín sira ema hamutuk 24. Ami iha limitasaun pesoál, tanba ema balun ba haree ateru lixu iha Tibar nian no dasa lixu iha estrada no apoiu ba lojistika iha eventu boot sira,” nia hateten ba Agência Tatoli iha nia kna’ar fatin, Caicoli, sesta ne’e.

Konstrusaun Uma Laku no reablitasaun Jardín Faról ne’ebé konstrui hosi empreza Seven Star Dini, nakloke ona ba públiku atu asesu tanba empreza hetan ona despaixu hosi Ministériu Obra Públika (MOP), sesta (12 janeiru 2023). Imajen Tatoli/António Daciparu.

Volume serbisu AMD nian boot-liu hodi ho númeru funsionáriu atuál responde ba iha nesesidade públiku atu ambiente bele mós no jardín sira bele sai matak ne’e susar tebes.

Oinsá AMD nia planu ba kontrolu jardín sira, diretór ne’e hateten, AMD iha planu no proposta atu rekruta funsionáriu hamutuk 50 hodi bele tau matan ba jardín sira iha kapitál Dili.

“Tuir ami-nia planu ba rekrumenta ne’e depende ba Orsamentu Jeral Estadu ne’ebé sei haree iha segunda (15 janeiru 2024) semana oin. Se iha orsamentu ba bens no servisu ba rekrutamentu funsionáriu, entaun ami sei halo rekrutamente ba tinan ida-ne’e,” nia hateten.

Diretór ne’e hateten, jardín iha kapital ne’e hamutuk sanulu resin ne’ebé pertense ba AMD atu halo manutensaun, jestaun no kontrolu hanesan Jardín Kolmera, Lesidere, Prezidente Repúblika B.J Habibie, Kolmera, 5 de Maiu, Delta Nova Fomentu, Tasi Tolu, Palásiu Governu nia oin, Jardin avo Xavier Merkadu Lama, Nicolau Lobato Comoro, Hudi Laran, Kampung Alor no Jardin Faról.

Jornalista : Jesuína Xavier

Editór        : Cancio Ximenes

iklan
iklan

Leave a Reply

iklan
error: Content is protected !!