iklan

EDUKASAUN

ESTV-EEC Becora preokupa falta profesór lingua portugeza-komunidade okupa arredór eskola

ESTV-EEC Becora preokupa falta profesór lingua portugeza-komunidade okupa arredór eskola

Eskola Ensinu Sekundáriu Tékniku Vokasionál (ESTV)-Eskola Ekonomia no Komérsiu Becora (EEC-sigla portugés). Foto espesiál

DILI, 02 fevereiru 2024 (TATOLI)–Diretór Eskola Ensinu Sekundáriu Tékniku Vokasionál-Eskola Ekonomia no Komérsiu (ESTV-EEC, sigla portugés), Abel Sarmento, hato ó nia preokupasaun ba Governu tanba ESTV-ESC falta profesór ba lingua portugeza no komunidade sei okupa arredór eskola.

“Ohin, ami hato’o preokupasaun sira ba Sekretáriu Estadu Ensinu Sekundáriu Jerál no Ensinu Tékniku Vokasionál, Domingos Lemos Lopes, kona-ba problema laboratóriu, komunidade okupa arredór eskola no profesór ba lingua portugés mak laiha, tanba idade tama ba reforma nian. Ida-ne’e ami preokupa maibé kona-ba prosesu aprendizajen la’o normál,” nia dehan bainhira Sekretáriu Estadu Ensinu Sekundáriu Jerál no Ensinu Tékniku Vokasionál vizita ESTV, Becora, sesta ne’e.

Eskola ne’e iha sala-de-aula hamutuk 18 no uza de’it mak sala-de-aula 15, tanba ida-ne’e sufisiénte ona no meza ho kadeira kompletu inklui fatin soe foer kiiki no bot (toilet).

Iha eskola ne’e, estudante hamutuk 360 no profesór iha 49 ne’ebé mesak profesór permanente, no iha profesór kontratau na’in-rua (2) mak labele tama hanorin tanba tuir orientasaun Ministériu Edukasaun (ME) nian katak kontratu remata ona iha dezembru nia rohan (2024).

“Ho ida-ne’e ami rekomenda ba edukasaun no hein katak edukasaun bele prosesa no prienxe hela ami-nia preokipasaun sira,” nia dehan.

Sekretáriu Estadu Ensinu Sekundáriu Jerál no Ensinu Tékniku Vokasionál, Domingos Lemos Lopes, hateten preokupasaun sira-ne’e Ministériu Edukasaun sei rezolve ho vagatura daudaun ne’e.

Mnistériu Edukasaun atu rezolve situasaun ne’e ho di’ak mak loke vaga bolsa kandidatu profesór atu responde ba kestaun sira falta profesór iha eskola sira-ne’e.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!