iklan

EDUKASAUN

ME nafatin fó formasaun ba profesór liuhosi projetu PRO-Portugés

ME nafatin fó formasaun ba profesór liuhosi projetu PRO-Portugés

Vise-Primeiru-Ministru, Ministru Asuntu Sosiál no Ministru Dezenvolvimentu Rurál no Abitasaun Komunitáriu, Mariano Assanami Sabino, hala'o enkontru ho Ministra Eduaksaun, Dulce de Jesus, iha Palasiu Governu Dili, tersa (20/02). Imajen Tatoli/Francisco Sony.

DILI, 20 fevereiru 2024 (TATOLI)–Ministra Edukasaun (ME), Dulce de Jesus Soares, hateten Governu liuhosi Ministériu Edukasaun servisu hamutuk ho Governu Portugál nafatin fó formasaun ba profesór sira iha lingua portugeza liuhosi projetu PRO-Portugés.

Notísia Relevante: ME nafatin fó formasaun ba profesór liuhosi projetu PRO-Portugés

“Ohin, ha’u mai ho ha’u-nia diretór jerál na’in-rua (2) hodi hato’o servisu ne’ebé mak ministériu edukasaun halo iha fulan-janeiru no fevereiru nian, ne’ebé ami kontinua halo monitorizasaun ba prosesu aprendizajen iha eskola sira no kontinua fó formasaun ba profesór liuliu ba profesór lingua portugeza liuhosi projetu PRO-portugés liuhosi halo kooperasaun Governu portugés,” Ministra Dulce hateten ba jornalista sira hafoin enkontru ho Vise Primeiru-Ministru no Ministru Dezenvolvimentu Rurál no Habitasaun Komunitária, Mariano Asanami Sabino, hodi atualiza rezultadu monitorizasaun ba eskola sira iha teritórriu, iha Palásiu Governu, tersa ne’e.

Alende ne’e, ko’alia kona-ba apoiu hosi banku mundiál no Governu Austrália nian kona-ba infraestrutura liuliu konstrusaun sala-de-aula ne’ebé kontinua sai problema, maibé ida-ne’e hanesan kompromisu IX Governu Konstitusionál nian tau nafatin orsamentu hodi bele hala’o.

Agora, nia dehan, problema menus preofesór ne’e ME kontinua liuhosi proformação dos professors, atu nune’e bele hasa’e kualidade edukasaun tanba iha Timor-Leste asesu ladún sai problema.

Maibé, tuir nia, oinsá ME servisu hamutuk ho ministériu seluk ho kumunidade edukativa tomak, atu garante katak vizaun boot ida Timor-Leste nian asesu ba edukasaun kualidade, ida-ne’e sai papel importante ba ME nian.

Durante ne’e, iha fulan rua nia laran, ME halo vizita no monitrorizasaun iha eskola sira iha Rejiaun Administrativu Espesiál Oé-Cusse Ambeno (RAEOA), munisípiu Baucau, Liquiça, inknlui Dili no seluk tan.

“Problema ne’ebé mak eskola enfrenta mak menus profesór, infraestrutura sira maibé ida-ne’e parte edukasaun sei haree hodi tau orsamentu. Ligadu ho profesór menus mak hein hela bolsa rekrutamentu ka kandidatu ba profesór ne’ebé mak daudaun ne’e, iha hela prosesu korresaun nia laran. Bainhira hotu mak ita sei koloka tuir eskola ne’ebé presiza,” nia hateten.

Diretora Nasionál Rekursu Umanu iha Ministériu Edukasaun, Anita Tavares de Jesus, hateten implementasaun bolsa kandidatu profesór ne’e presiza na’in-2.400.

Hosi númeru ne’e fó sai ona avizu, iha lugares ba pre-eskolár 200, primeiru no segundu siklu iha 1.000 no ba terseiru siklu ne’e iha 150, ba profesór lingua portugeza iha 150, ba lingua ingleza iha 100, ba matemátika iha 200, siénsia naturál iha 200 no siénsia sosiál 200 mós, dezenvolvimentu pesoál ne’e iha 200.

“Prosesu ne’e iha no ita iha kandidatu aplikante hamutuk 13.957, ne’e ita halo hela selesaun no nia prosesu ne’e levantamentu sira. Dokumentu sira hosi munisípiu hotu-hotu inklui REAOA, ita simu ona no prosesa ona. Provizoriamente ne’e ita hetan 12.738 no ida-ne’e dadus provizóriu no prosesu ida-ne’e sei kontinua halo tan,” nia dehan.

Kona-ba implementasaun bolsa kandidatu profesór ba grupu rekrutamentu sira no tuir despaixu ministeriál 042024, 23 de Janeiru.

Notísia Relevante: MEJD promove língua portugueza ba profesór rihun 4 liuhusi Projetu PRO-Português

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!