SEFOPE Viqueque husu kandidatu traballadór na’in-3.777 prepara aan tuir teste eskrita
VIQUEQUE, 27 fevereiru 2024 (TATOLI)- Diretór Sekretáriu Estadu Formasaun Profesionál no Empregu (SEFOPE), Simões da Silva, husu kandidatura traballadór Austrália ba Programa Pacific Austrália Labour Mobility (PALM, sigla inglés) husi munisípiu Viqueque hamutuk na’in-3777 prepara an hodi partisipa teste eskrita ne’ebé sei realiza iha munisípiu Viqueque.
“Ami hakarak husu ba ita-nia kandidatura ba programa PALM Austrália sira hahú prepara a’an estuda inglés báziku sira, hodi tuir ezame eskrita ne’ebé sei realiza iha loron sabádu 9 marsu 2024. Fatin teste eskrita ami halo koordenasaun ho ensinu báziku sentrál 01 Beloi hodi fó teste ba ita-nia kanditadu sira”, Simões da Silva, hatete ba Agência Tatoli, iha ninia kna’ar fatin edifísiu munisípiu Viqueque, ohin.
Tanba ne’e, nia dehan, prosesu teste ne’e oráriu fó sai ona, nune’e SEFOPE hakarak kontinua partilla informasaun ne’e ba kandidatura sira hodi prepara aan hodi partisipa.
Kona-bá kritériu kona-bá teste eskrita ida-ne’e kandidatu sira hetan valór 40 mai karik sei konsidera la pasa no pasa iha ezame eskrita tenke hetan valór ezame 40 ba leten to’o 50 hafoin liu ho valór mínumu kondisaun.
Pontu ezame ne’e rasik ho lian inglés báziku ne’ebé sei prepapra husi ajénsia PLAM inklui diresaun nasionál empregu.
Enkuantu iha prosesu teste eskrita ba kandidatu PLAM ne’e sei realiza iha munisípiu Viqueque no akompaña teste husi ekipa SEFOPE no fiskaliza husi Komisaun Anti Korupsaun (CAC) ho Provedoria Direitu Humanu no Justisa (PDHJ).
Jornalista : Vitorino Lopes da Costa
Editór : Florencio Miranda Ximenes
