iklan

BOBONARO, HEADLINE, MUNISÍPIU, SEGURANSA

Xefe suku Holsa prontu koopera ho UPF minimiza atividade ilegál

Xefe suku Holsa prontu koopera ho UPF minimiza atividade ilegál

Xefe suku Holsa, António Santa Cruz. Imajen Tatoli/Sérgio da Cruz.

BOBONARO, 08 marsu 2024 (TATOLI)-Xefe suku Holsa, postu administrativu Maliana, munisípiu Bobonaro, António Santa Cruz, prontu koopera ho Unidade Patrullamentu Fronteira (UPF) hodi sensibiliza informasaun ba komunidade sira minimiza atividade movimentu merkadoria ilegál ba sasán kontra bandu ne’ebé durante ne’e buras iha liña fronteira terrestre entre Timor-Leste ho Indonézia.

Santa Cruz hato’o prontidaun ne’e ligadu ho deklarasaun Komandante UPF, Superintendente Euclides Belo, ne’ebé husu apoia líder komunitária sira atu halo sensibilizasaun ba komunidade sira hodi prevene atividade ilegál iha liña fronteira.

Notísia relevante: Governu planeia rekruta membru PNTL-UPF foun 100 iha 2024

“Ami hanesan lideransa komunitária prontu koopera ho UPF tanba ami mós hakarak asegura ami-nia komunidade hela iha fornteira, nune’e hadook sira iha kualkér situasaun ne’ebé kontra bandu, tanba ida-ne’e lakohi komunidade monu ba lasu ne’ebé ladi’ak, sé karik identifika halo kedas intervensaun depois mak ita koordena servisu hodi nune’e ita prevene komunidade sira dook hosi risku,” nia informa ba jornalista sira iha kna’ar-fatin, sesta ne’e.

Nia hatutan, durante ne’e komunidade kontinua halo atividade ilegál, tanba fronteira luan no menus rekursu UPF atu halo vijilánsia iha área sira-ne’ebé sempre sai alvu ba movimentu klandestina.

“Ita haree durante ne’e Polísia kaptura bebeik, maibé ninia prosesu finalizasaun ate a data ita lahatene, ema-ne’e ita lori ba prosesu, tanba ne’e ma la gaul, ohin kaptura A, aban B mai depois bainrua C mai nafatin, tanba ita fó liberdade ba sidadaun halo ninia atividade, presiza haforsa lei, tanba iha buat balu la fortifika servisu UPF nian, dalaruma Polísia kaer, orsida dehan Polísia mak halo servisu latuir lei, maibé realidade ita kaer iha fronteira,” nia katak.

Notísia relevante: Komandu PNTL sei destaka tán membru 39 apoia UPF iha fronteira

Jornalista: Sergio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!