iklan

HEADLINE, MUNISÍPIU, OÉ-CUSSE (RAEOA)

Aniversáriu PNTL iha Oé-Cusse, serbí públiku ho profisionalizmu

Aniversáriu PNTL iha Oé-Cusse, serbí públiku ho profisionalizmu

PNTL Oé-Cusse komemora loron aniversáriu PNTL ba dala-24.

OÉ-CUSSE, 27 marsu 2024 (TATOLI) – Polísia Nasionál Timor-Leste (PNTL) iha Rejiaun Administrativa Espesiál Oé-Cusse Ambeno (RAEOA), selebra aniversáriu ba dala-24 ho tema ‘Profisionál no Reziliente’ ne’ebé realiza iha komandu PNTL Oé-Cusse kuarta ne’e.

Notísia relevante: Aniversáriu ba dala-24: Xefe Estadu husu PNTL garante pás, estabilidade no respeita direitu umanu

Iha diskursu, Adjuntu Komandante PNTL Oé-Cusse Interinu, Inspetór Xefe Polísia, Ángelo Quelo, husu ofisiál ho sarjentu  ajente sira hotu atu  hala’o serbisu, serbí públiku no hatudu  profisionalizmu.

“Xave susesu PNTL ba iha povu iha Timor-Leste, espesialmente iha Oé-Cusse maka husu ita hotu serbí públiku no hatudu  profisionalizmu ba ita-nia komunidade sira,” Ángelo Quelo, ko’alia iha ámbitu loron aniversáriu PNTL dala-24 iha Oé-Cusse.

Nia informa, kona-bá reziliente no profesionalizmu fokuliu mós bá krime nunka mais sei hapara, maibé PNTL sei halo prevensaun hodi kombate aktu krime, ne’ebé perturba ita-nia komunidade iha Oé-Cusse Amebno.

“Ofisiál ho sarjentu ajente sira hotu, ohin iha hamutuk iha-ne’e, selebra loron moris PNTL nian iha Timor-Leste, ita presiza kumpri tuir regra no disiplina sira bainhira kuandu hala’o servisu iha fatin ne’ebé de’it tantu vila no área remota,” nia fó hanoin.

Inspetór Xefe Polísia, Ángelo Quelo,  husu hatudu nafatin maturidade, profisionalizmu no amizade ba iha komunidade, hamutuk ho komunidade PNTL ho forsa destakadu sira, hodi inimigu ba iha krime ne’ebé maka mosu hodi perturba ka amostra hasoru komunidade.

“Ikusliu, ha’u lori komandu nia naran apela ba komunidade hotu iha territóriu Oé-Cusse, kontinua hametin kooperasaun serbisu hamutuk hahú hosi lideránsa lokál, Ofisiál Polísia Suku (OPS) sira, komandante Eskuadra sira,  xefe sesaun sira to’o iha vila,” nia konklui.

Notísia relevante: Governu kongratula feto PNTL no MI

Entretantu, hola parte iha aniversáriu ne’e mai hosi Ofisiál Polísia Suku (OPS) suku 18, komandante eskuadra sira mai hosi sub-rejiaun haat, Oésilo, Pássabe, Nítibe no Pante Makasar.

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!