iklan

SAÚDE

Ministériu Saúde iha inisiativa introdús Lei Bom Samaritano iha TL

Ministériu Saúde iha inisiativa introdús Lei Bom Samaritano iha TL

Bom Samaritano. Ilustrasaun.

DILI, 11 abril 2024 (TATOLI)–Diretora Jerál Prestasaun Saúde iha Ministériu Saúde (MS), Terlinda da Conceição Barros, hateten MS iha inisiativa introdús ba instituisaun Estadu no sosiedade sivil kona-ba kriasaun Lei Bom Samaritano iha Timor-Leste.

Notísia Relevante: Governu presiza kria lei ‘Bom Samaritano’

Nia esplika, Lei Bom Samaritano nu’udar lei ka regulamentu ida-ne’ebé tradús tuir liafuan biblika ne’ebé ajuda ema seluk ne’ebé ema baku no monu hela iha dalan.

“Ita halo ona semináriu ida iha fulan hirak liuba hodi introdús kona-ba Lei Bom Samaritano ba Organizasaun Naun Governamentál (ONG) no ministériu sira hanesan Ministériu Saúde no Ministériór Interior. Lei nia valor mak ne’e, ezemplu, ema ruma haree ema asidente iha dalan ne´e, nia bele ba ajuda depende ba nia koñesimentu kona-ba ema asidente raan suli, raan laiha atu hodi haree ema ne’e iis sei iha ka lae,” Diretora Jerál ne´e hateten ba Agência Tatoli iha Caicoli, kinta ne´e.

Prinsipiu ba Lei Bom Saritano ne’e mak primeiru sokoru, protesaun ba ema-ne’ebé ajuda ema seluk moras no asidente, ema-ne’ebé ajuda ema seluk iha koñesimentu kona-ba primeiru sokoru.

Se Timor-Leste la introdús ba kriasaun Lei Bom Samaritano, ema ne’ebé ajuda ema seluk lahetan protesaun ba iha primeiru sokoru.

Tuir nia, ema hotu-hotu bele hetan treinamentu ba iha primeiru sokoru, bainhira iha ona Lei Bom Samaritano ne’e iha tanba iha nasaun barak mak introdús no implementa ona lei ne’e hodi ajuda ema-ne’ebé hetan asidente, moras fuan no seluk tan.

Ezemplu, nia dehan, ema Bom Samaritano hetan ona treinamentu ne´e sira atende ema sira-ne’ebé hetan stroke ka AVC, muta raan no bele kontatu mós ba iha ambulánsia sira. Se ema monu labele book sira-nia isin no silu kakorok ka muda ema-ne’ebé moras ka hetan asidente, tanba monu naksalak no ema book ne’e bele aat liután.

MS sei habelar liutan kona-ba planu kriasaun Lei Bom Samaritano ba sosiedade balun atu bele kria ezbosu ba lei, Dekretu-Lei no regulamentu, atu Governu bele aprezenta ba iha Konsellu Ministru no Parlamentu Nasionál.

Diretora ne’e garante, lei kuandu iha ona Governu bele halo ona formasaun ba iha Bombeiros, relijiozu, reprezentate de kada aldeia ou suku no estudantes sira iha ensinu sekundáriu no ensinu  superior.

Formandu sira bele hetan sertifikadu no kartaun atu bele lori hodi bele halo servisu no lei mos bele proteje sira.

Bainhira Lei Bom Samaritano MS bele koloka ona ekipmentus ba ekipamentu soke fuan ba ema ne’ebé hetan problema kardiovaskular iha aeroporto no hotel sira.

Jornalista : Jesuína Xavier

Editór        : Cancio Ximenes

iklan
iklan

Leave a Reply

iklan
error: Content is protected !!