iklan

SEGURANSA

PNTL detein suspeitu JMR tanba envolve krime burla

PNTL detein suspeitu JMR tanba envolve krime burla

DILI, 13 abríl 2024 (TATOLI)-Polísia Nasionál Timor-Leste (PNTL) liuhusi Departamentu Investigasaun Kriminál (DIK) Nasionál detein suspeitu ho insiál JMR tanba envolve iha krimi burla.

Departamentu Invetigasaun Kriminál halo detensaun ba Suspeitu JMR ne’e tanba prátika iha krimi burla agravadu. Durante ne’e suspeitu bosok ema barak hodi fó osan ba nia nune’e nia uza fali interrese privadu.

Suspeitu uza maneira hodi bosok vítima sira katak suspeitu nu’udar membru autoridade seguransa.

Meiu ne’ebé mak suspeitu ne’e uza hodi bosok vítima sira mak suspeitu ne’e hateten ba vítima katak nia hanesan Komandante Polísia kuandu vítima sira atu trata dokumentu ruma karik hanesan Pasaporte ka dokumentu atu ba Inglatera no Austrália inklui dokumentu igreja bele liuhusi suspeitu ne’e lalais de’it tanba suspeitu hanesan membru polísia no pesoál servisu intelejénsia.

Nune’e vítima sira fiar nia hodi hatama osan kada ema ida ho montante $1000, vitíma balun fó osan ho montante $3000 no balun fali fó to’o montante $4000.

Ho nune’e, hafoin vítima sira husu tuir suspeitu JMR nia servisu detekta katak supeitu JMR la’ós membru polísia no la’ós mós pesoál servisu intelejénsia, tanba ne’e mak vítima sira hato’o keixa iha DIK Nasionál no ekipa Departamentu Investigasaun Kriminál buka tuir kedan suspeitu  nia paradeiru.

Nune’e, iha sábadu (13/4) ne’e ekipa DIK ba buka tuir kedan suspeitu no PNTL halo kedan detensaun ba suspeitu.

“Polísia halo kapturasaun ba suspeitu ho inisiál JMR ho fraglante-delitu iha área Fomento, bainhira suspeitu ne’e ho karreta hodi tenta bosok vítima feto ida atu entrega tan osan ba suspeitu. Bainhira vitíma atu ba hasoru suspeitu polísia akompaña kedan vítima ne’e no bainhira vitíma ne’e atu entrega osan ba suspeitu JMR polísia halo kedan kapturasaun ba suspeitu ho fraglánte delitu, hafoin sia halo tiha kapturasaun ba suspeitu ne’e, lori kedan supeitu ba Departamentu Investigasaun Kriminál Nasionál Caicoli hodi submete ba prosesu investigasaun,” hateten husi komunikadu ne’ebé TATOLI asesu sabadu ne’e

Kazu ne’e Departementu Investigasaun Kriminál rejista ho NUC 0085/24.PNSIK.

Hafoin konklui tiha prosesu investigasaun ba suspeitu JMR polísia halo kedan detensaun ba suspeitu durante oras 72 molok aprezenta ba interogatóriu dahuluk iha Tribunál Judisiál Primeiru Instánsia Dili.

“Suspeitu JMR ne’e agora daudaun detein hela iha sela Departamentu Investigasaun Kriminál durante oras 72 molok aprezenta ba interogatóriu dahuluk iha Tribunál Judisiál Primeiru Instánsia Dili,” sita hosi komunikadu ne’e.

Enkuantu ba kazu ne’e polísia Departementu Investigasaun Krininál Nasionál halo mós apreensaun ba evidénsia hanesan karreta ida ho marka Pik up ho sapa matrikula A 28.275, ne’ebé durante suspeitu uza hodi ba bosok vítima sira.

Jornalista: Natalino Costa

Editór: Rafael Ximenes de A. Belo

iklan
iklan

Leave a Reply

iklan
error: Content is protected !!