iklan

SEGURANSA

MI submete ona revizaun estatutu profisionál no pessoál PNTL ba PCM 

MI submete ona revizaun estatutu profisionál no pessoál PNTL ba PCM 

Ministru Interior Francisco Guterres iha serimónia entrega atribusaun GAM no GAR husi membru UPM ba estdu iha sional dili 15 abril 2024. Foto Tatoli/Antonio Daciparu

DILI, 15 abríl 2024 (TATOLI) – Ministru Interiór Francisco da Costa Guterres, dehan  Ministériu Interiór (MI) hamutuk ho Komandu Jerál PNTL konklui ona revizaun ba dekretu-lei númeru 69/2022, 28 setembru ne’ebé koalia kona-ba estatutu profisionál no pesoál Polísia Nasionál Timor-Leste (PNTL).

“Kona-ba ba estatutu profisionál no pessoál Polísia Nasionál Timor-Leste, ami halo revizaun no revizaun ami konklui ona, agora submete ona ba Gabinete Ministru Prezidénsia Konsellu Ministru (PCM, sigla portugés). Agora estatutu ne’e iha ne’ebá ona no agora ita bo’ot sira hein bainhira mak ajenda ba diskusaun iha Konsellu Ministru mak imi mai husu fali ha’u”, Francisco da Costa hateten ba jornalista iha serimónia entrega ró patrollamentu rua ba UPM ne’ebé iha Kuartél UPM, Sionál Dili, segunda ne’e.

Nia dehan, estatutu profisionál no pessoál Polísia Nasionál Timor-Leste iha artigu balun sofre alterasaun iha artigu balun ne’ebé fó kondisaun ba membru PNTL antes atu ba reforma.

“Ita tenke dignifika sira no valoriza sira tanba sira oinsá fó ona nia dedikasaun durante tinan barak atu servi institusaun no povu ida-ne’e. Ita labele halo reforma ba sira naran hodi halo reforma maibé sem kondisaun ida-ne’e labele. Ita tenke trata sira ho digñu”, nia konklui.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!