EKONOMIA

ACCCTO sei diskute progresu atividade negósiu ne’ebé empreza 10 atinje

ACCCTO sei diskute progresu atividade negósiu ne’ebé empreza 10 atinje

Prezidente Asosiasaun Komersiál Komunidade Xineza (ACCCTO, sigla Portugés) iha Timor-Leste, Kathleen Gonçalves . Imajen Tatoli/Francisco Sony

DILI, 30 Abríl 2024 (TATOLI) – Asosiasaun Komersiál Komunidade Xineza Timor-oan (ACCCTO, sigla portugés) diskute, aban, progresu husi atividade negósiu empreza 10 ne’ebé hetan ona fundu rihun $12.

Prezidente ACCCTO, Kathleen Gonçalves, informa empreza 10 ne’e loke sira-nia atividade negósiu hanesan loke padaria, restaurante no grupu soru-tais. “Ninia fundu mai husi Governu, maibé liu husi asosiasaun maka transfere ba empreza idaidak hodi halo negósiu. Tanba ne’e, ACCCTO hakarak hatene rezultadu saida maka empreza 10 atinje ona, nune’e bele garante ba asosiasaun hodi kontinua fó dalan ba empreza sira seluk atu hetan mós oportunidade”, dehan iha Ai-mutin, ohin.

“Ha’u-ninia intensaun atu hasoru malu ho empreza 10 ne’e atu hatene sira-ninia progresu karik iha problema ruma sira enfrenta, ita bele buka dalan hodi motiva nafatin sira atu la’o ba oin, nune’e negósiu ne’e labele mate iha dalan klaran hodi loke nafatin merkadu ba oin”, nia realsa.

Kathleen Gonçalves salienta katak negósiu ne’ebé empreza 10 halo ne’e nia rezultadu sira hatama ba supermerkadu ne’ebé membru ACCCTO sira fa’an ba, depois nia osan sei transfere ba konta bankária empreza sira-nian.

Tuir nia, programa ne’e kontinuasaun ne’ebé ACCTO halo, nune’e asosiasaun fó esperansa ba empreza sira atu kontinua programa hodi loke tan merkadu no fó  servisu ba feto-maluk sira seluk, nune’e hamutuk ho ACCCTO no Governu atu dezenvolve ekonomia nasaun nian ba futuru.

Notísia relevante: ACCCTO Lamenta ho Prezensa Loja $1 Hosi Xineza

Jornalista: Tomé Amado

Editora: Maria Auxiliadora

iklan
iklan

Leave a Reply

iklan
error: Content is protected !!