iklan

EKONOMIA, DILI

Reprezentante povu preokupa folin foos sa’ e

Reprezentante povu preokupa folin foos sa’ e

Uma Fukun Parlamentu Nasionál,Imajen Egas Cristovão

DILI, 09 maiu 2024 (TATOLI)- Reprezentante povu iha uma-fukun Parlamentu Nasionál (PN), liuhusi Deputadu membru komisaun D ne’ebé trata asuntu Ekonomia no Dezenvolvimentu, Antoninho Doutel Sarmento, preokupa ho folin foos ne’ebé ninia folin hahú sa’e ba $20 iha merkadu liuliu iha munisípiu no postu balun.

Notísia relevante:https://tatoli.tl/2024/05/08/observa-direta-armazein-tolu-pm-orienta-mci-kontrola-folin-kualidade-foos-iha-merkadu/

“Presu foos iha merkadu agora sae to’o $20, ida ne’e afeta tebes ba povu ki’ik sira iha kraik,” Nia hateten iha resintu Parlamentu, kinta ne’e.

Folin foos sai nafatin preokupasaun ne’e mai husi merkadu internasionál, maibé saida mak Governu tenke iha kapasidade atu haree oinsá mak ajusta iha planu ida ne’ebé di’ak, hodi bele normaliza presu foos iha merkadu.

Nune’e nia husu ba ezekutivu atu bele rezolve ba folin foos tanba daudaun sai preokupasaun, hodi nune’e povu bele sosa foos ho nia kbiit ne’ebé naton.

Nune’e mos, Prezidente Komisaun D, Ricardo Baptista, hateten iha tinan kotuk Ministériu Komérsiu Indústria (MCI) fó subsídiu kompañia sira hodi halo intervensaun ba iha presu fo’os ne’ebé mak iha.

“Agora foos sira ne’ebé ninia presu sae ne’e tuir folin merkadu internasionál la’o hela, ita importa iha ne’eba hato’o folin hanesan ne’e ita mós labele mai ko’alia buat ne’ebé la’o hela, foos jeral ninia folin mak hanesan ne’e, tanba ita la’os nasaun produtór ita nasaun konsumidór, ita importa entaun nia folin hanesan ne’e ita labele halo intervensaun, ita ba halo bainhira iha subsídiu,” nia hateten.

Notísia relevante:https://tatoli.tl/2024/04/05/folin-foos-sae-too-20-autoridade-lokal-viqueque-husu-governu-halo-intervesaun-merkadu/

Jornalista: Nelson de Sousa

Editór: Rafael Ximenes de A. Belo

iklan
iklan

Leave a Reply

iklan
error: Content is protected !!