COVALIMA, 14 Maiu 2024 (TATOLI) – Asosiasaun Futeból Covalima submete proposta atu realiza Taxa Avó Nana Cup no konstrui mini estádiu iha kampu Ladi, suku Camanasa, postu Suai, ba Ministériu Juventude, Desportu, Arte no Kultura (MJDAK).
Ba proposta ne’e, Prezidente Asosiasaun Futeból Covalima, Augusto Henriques, halo ona diskusaun ho Ministru Juventude, Desportu, Arte no Kultura, Nelyo Isaac.
Nia relembra katak, iha 2023, Asosiasaun Futeból organiza ona Taxa Avo Nana Cup ne’ebé partisipa husi klubu 32, “maibé agora seidauk la’o tanba ministru sei halo konsulta no seidauk iha rezultadu. Bainhira iha ona rezultadu maka foin bele organiza”, nia informa.
Taxa Avo Nana Cup 2023 ho nia tema “Hametin fraternidade umana liuhusi asaun desportiva Xanana Cup”. Taxa ne’e la’ós iha modalidade futeból de’it, maibé iha mós voleiból, basketeból no atletizmu, tanba ne’e asosiasaun submete proposta rua ba MJDAK.
Relembra katak Taxa Avo Nana Cup ne’ebé organiza iha 2023 ne’e halo abertura husi Prezidente Komité Olímpku Timor-Leste, Francisco Kalbuadi Lay, ho intensaun hakarak kria amizade, joven-sira presiza hadomi malu, kria estabilidade no pás.
Jornalista: Celestina Teles
Editora: Maria Auxiliadora
