OÉ-CUSSE (RAEOA)

Prezidente RAEOA Rogério Lobato prontu hatán Mari Alkatiri iha tribunál

Prezidente RAEOA Rogério Lobato prontu hatán Mari Alkatiri iha tribunál

Prezidente Autoridade Rejiaun Administrativa Espesiál Oé-Cusse Ambeno, Rogério Tiago Lobato. Imajen Tatoli/Francisco Sony

DILI, 29 maiu 2024 (TATOLI)—Atuál Prezidente autoridade Rejiaun Administrativa Oé-Cusse Ambeno (RAEOA), Rogério Tiago de Fátima Lobato, prontu hatán keixa husi antigu Prezidente autoridade RAEOA, Mari Alkatiri, nian iha tribunál kona-ba rezidénsia Fulolo.

Notísia Relevante: Alkatiri keixa: Prezidente Autoridade RAEOA Rogeiro Lobato hatán

Atuál Prezidente autoridade RAEOA ne’e to’o agora seidauk simu notifikasaun ruma hosi autoridade judisiál kona-ba keixa husi antigu Prezidente autoridade RAEOA kona-ba rezidénsia Fulolo, nune’e bainhira iha notifikasaun ruma prontu ba hatán.

“Kona-ba iha uma Fululo nian ne’e uma Estadu nian, señor Mari laiha razaun. Nia atu lori ha’u ba iha tribunál ha’u la preokupa liu, Ha’u prontu ba hatán iha tribunál,” Prezidentde Autoridade RAEOA ne’e responde jornalista sira iha resintu Parlamentu, kuarta ne’e.

Nia dehan, uma Fululo ne’e Estadu nian no lei seidauk iha katak bele aliena bens no moveis hanesan uma ne’e laiha lei, depois nia iha indeferimentu husi diretór rejionál husi notariadu ba pedidu prezidente RAEOA sesante nian kona-ba rai ne’e.

“Iha parte seluk atu iha uma ida, señor Mari atu konsidera ninia uma tenke iha eskritura públiku liuhusi notáriu no notáriu Oé-Cusse nian sempre rekuza atu halo eskritura públika, dehan katak uma ne’e Mari nian. Purtantu, laiha eskritura públika uma ne’e Estadu nian,” nia hateten.

Tan ne’e, mezmu antigun Primeiru-Ministru, Mari Alkatiri hakarak lori ba tribunál, no hanesan prezidente autoridade atuál prontu atu ba hatán.

Jornalista : Nelson de Sousa

Editór        : Cancio Ximenes

 

iklan
iklan

Leave a Reply

iklan
error: Content is protected !!