COVALIMA, HEADLINE

Prezidente ANATL observa direta kondisaun aeroportu Suai

Prezidente ANATL observa direta kondisaun aeroportu Suai

Prezidente Konsellu Administrasaun ANATL, E.P, Romualdo da Silva. Foto/Natalino Costa.

COVALIMA, 07 Juñu 2024 (TATOLI) –  Prezidente Konsellu Administrasaun Aeroportu no Navegasaun Aérea Timor-Leste (ANATL E.P), Romualdo da Silva, tuun direta hodi observa kondisaun aeroportu Suia tanba udan-boot ne’ebé akontese kauza inundasaun iha pista aeroportu nian.

Inundasaun ne’e akontese tanba udan dezde iha loron 06 halo volume bee-mota Holbelis ne’ebé sa’e hodi tama iha arreadór aeroportu nian.

“Ha’u ho ekipa ADN [Ajénsia Dezenvolvimentu Nasionál] observa ona aeroportu husi laran to’o iha oin, ha’u haree bee la’ós tama ba aeroportu laran, maibé inundasaun akontese iha arreadór aeroportu nia iha li’ur, parte pista nia rohan”, Romualdo da Silva, informa ba Tatoli, iha aeroportu Suai, ohin.

Depoizde de observasaun, Prezidente ANATL promete katak ba futuru sei tau iha planu atu halo  muru protesaun, nune’e bele proteje aeroportu husi inundasaun.

“Ita-bo’ot sira haree bee-mota fai rasik pista nia sorin, área rede ne’ebé ita halo atu proteje nune’e labele sobu. Agora, tékniku mai halo levantamentu dadus, karik iha posibilidade bele propoin iha orsamentu 2024, se la’e tau iha planu 2025”, nia dehan.

Aleinde inundasaun iha arreadór aeroportu, ema 256 husi postu postu Tilomar, Suai no Zumalai sai mós vítima ba inundasaun tanba bee tama uma, estraga hahán no danifika infraestrutura bázika sira.

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!