Janeiru-juñu: AMD rekolla reseita rihun $18 ba kofre Estadu
DILI, 16 jullu 2024 (TATOLI)–Xefe Departamentu Kontrolu Orsamentu iha Autoridade Munisípiu Dili (AMD), Lucilda Morreira, hateten husi janeiru to’o juñu, servisu estasionamentu AMD rekolla osan reseita rihun $18 ba kofre Estadu.
“Taxa kona-ba estasionamentu hahu hosi fulan janeiru to’o juñu ne’e ne’e mak ne’e, kuaze fulan rua mak AMD la rekolla osan ba Estadu tanba kupon ba selu estasionamentu hodi fahe ba motorista sira hotu,” Xefe Departamentu Kontrolu Orsamentu iha AMD, Lucilda Morreira, hateten ba Agência Tatoli, iha Caicoli.
Nia relata, totál osan ne’ebé rekolla husi estasionamentu iha Dili husi janeiru hamutuk rihun $3, fevereiru rihun $1, maiu liu rihun $6 no juñu liu rihun $5.
“Fulan marsu to’o 23 abril ami osan laiha, tanba kupon ba estasionamentu ne’ebé atu hamrik iha dalan ba ema ne’e laiha,” nia dehan.
Tuir nia, empreza ne’ebé hatama kupon ba iha AMD atrazu lori tama ba servisu estasionamentu, tanba ne’e mak iha fulan ne’e la konsege rekolla taxa.
Atividade rekolla taxa estasionamentu iha kapitál Dili ne’e funsiona durante loron lima entre segunda-feira no sesta-feira kada semana.
Jornalista : Jesuína Xavier
Editór : Cancio Ximenes
