BOBONARO,12 dezembru 2024 (TATOLI)-Givernu liu husi Ministeriu Joventude no Despoete Arte e Kultura (MJDAK),kuarta ne’e halo abertura ba Copa Juveníl sub-15 epoka 2024-2025 ne’ebé realiza iha estadium Malibaka Yamato Maliana no iha jogu dahuluk ne’e ekipa Munisípiu Bobonaro koñesidu ho naraj ‘Kuda-ulun’ susesu manán nia adversariu ekipa Munisípiu Covalima ho rezultadu 4:0 seim responde.
Golu dahuluk ekipa ‘Kuda-Ulun’ ne’e ezekuta husi jogador Ricardino Soares (7) iha minutu (20) no eskor ne’e mantein to’o termina primeira parte.
Dólar ba segunda parte jogu,ekipa rua nafatin lansa kontra atake ba malu tuir ritmu jogu ida-idak nia,no jogu foin la’o de’it minutu rua jogador Bobonaro Junior Morais (9) de Aroujo susesu Fura tan golu ida iha minutu (32), liu de’it minutu tolu Junior konsegeze ense tan golu ida hodi muda eskore ba 3:0.
Jogu kontinua la’o maski kondisaun udan,maibé ekipa sira nafatin iha ambisaun atu produz golu ba malu,maibé Oportunidade nafatin ba ‘Kuda Ulun tanba jogador Valdano Afonso (26) konsege Fura rede advserariu iha minutu 40 liu husi sutu livre no eskor ne’e mantein to’o termina jogu segunda parte ho rezultadu vitória ba ‘Kuda-Ulun’ no Ekipa Covalima tenke simu konsiekuensia derota ho títulu ‘Manu-Tolun’ la fera.
Diretór Jerál MJDAK,João Rodrigues, hateten jogu ne’e hanesan faze preparasaun ida oinsá atu bele identidika jogador ho prestasaun di’ak hodi ba kompete iha jogu CPLP XII ne’ebé sei realiza iha tinan oin 2024 Timor-Leste mak sei sai uma-nain.
Notisía Relevante:Atleta 702 rejistadu partisipa iha jogu CPLP
“Jogu CPLP ne’e modalidade famouzu mak Futeból,entaun ita halo kooperasaun ho FFTL inklui Asosiasaun Munisípiu sira ita halo kopa juveníl ida para halo selesaun ba ita nia labarik sira,tanba ita hotu hatene nasaun sira hanesan Brazíl,Angola, Portugál,Mocambique, Cavo-Verde sira mai ne’e ita temi jogu eskolar,maibé sira mesak melor jogador pais nia,entaun ita mós halo preparasaun nivél Munisípiu,depois mai iha rejionál,depois ida sei reprezenta rejionál ba joga iha Dili,depois reprezenta Timor-Leste ba joga iha jogu CPLP” Nia hateten iha intervensaun ba jogu ne’e
Iha oportunidade ne’e,Diretór Jerál ne’e husu jogador sira atu hatudu hoju ho etika,kontenti no amizada atu hatudu ba mundu Timor-Leste sai uma-nain organiza jogu CPLP ho di’ak.
Rodrigues,konfirma iha fulan Dezembru tinan oin selesaun jogador Timor-Leste hahú treina ona iha akademia futeból Becora Dili ne’ebé kompletu ho Dormitoriu no fasilidade jinastiku ho muskulu.
“Ita hein katak labarik sira bele halo preparasaun ho di’ak hodi reprezenta Timor ho prestasaun ne’ebé di’ak,tanba prestasaun ne’ebé ita atinje iha 2014 maka sai segundu lugar,ita lakon ho Portugál,hein katak sai uma nain ne’e ita bele hatudu di’ak liután”Katak nia
Iha jogu segunda ekipa Dili Oeste kontra Atauro termina ho rezulta 6:0 vitória ba Dili Oeste no Atauro lakon,enkuantu jogu ne’e hetan partipasaun masimu husi adeptus sira no komunidade Bobonaro.
Notisia Relevante:Nasaun membru kompromete apoia TL hodi susesu sai uma-na’in ba Jogu CPLP 2025
Jornalista: Sergio da Cruz
Editór: Evaristo Soares Martins
