iklan

KAPITÁL

SEATOU iha responsabilidade haree lixu iha kapitál Dili

SEATOU iha responsabilidade haree lixu iha kapitál Dili

Komunidade la iha konsiensia lixu kontinua naklekar iha fatin-fatin liu liu estrada publiku sira iha area komoro, segunda 30 desembru 2024.Foto Tatoli/Antonio Daciparu

DILI, 07 janeiru 2025(TATOLI)–Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias, hateten SEATOU iha responsabilidade atu haree lixu sira iha kapitál Dili, tanba populasaun kontinua soe foer iha fatin públiku.

“SEATOU iha mós responsabilidade boot ida atu hare lixu sira iha sidade laran. Tanba ne’e ha’u nia ekipa fahe hela servisu ho sekretaria munisipiu Dili hodi koordena Polísia Nasionál Timor-Leste no FALINTIL-Forsa Defeza Timor-Leste atu akompaña ekipa sira iha terrenu,” Germano Santa Brites Dias, hateten ba jornalista sira iha Fomentu II.

Ekipa ne’e atu haree ka observa lixu sira-ne’ebé maluk sira la tau iha fatin no so’e iha estrada no halo sidade ne’e runggu rangga, nune’e Governu liuhusi SEATOU sei hakaas aan atu hadi’a neineik.

Xefe Departamentu Servisu Água no Saneamentu iha Autoridade Munisipal Dili (AMD), Domingos Soriano dos Santos, informa disribuisaun kaixote lixu ba iha komunidade maibé populasaun kontinua so’e iha kaixite lixu nia li’ur.

“Distribuisaun kaixite ka fatin lixu masa iha Dili laran 2.000-resin, ida-ne’e la inklui tanke ida amrol ne’ebé tau 70 iha fatin sira iha kapitál Dili,” Domingos Soriano dos Santos hateten ba  Agência TATOLI liuhusi telefónika.

Tuir nia, kada tinan iha loron boot sira sempre iha volume lixu boot iha kapiál Dili, maibé Autoridade munisípiu Dili (AMD) esforsu hodi servisu hamutuk ho empreza sira hodi bele raut lixu to’o ramata.

Nia hateten, hateten AMD ho empreza raut lixu iha kapitál Dili presiza tempu hodi raut, tanba depoizde loron boot sira ne’e iha volume lixu ne’ebé barak naklekar iha lixeira sira iha bairru sira iha kapitál Dili.

Antes ne’e, motorista empreza Pax ne’ebé raut lixu iha jaixite lixu masa sira iha kapital ne’e lamenta tebes, tanba populasaun sira soe lixu iha li’ur ne’ebé difikulta sira-nia atividade servisu raut lixu hanesan hiit masa hodi hatama ba kareta kompaktór hodi tula lixu fakar iha lixeira Tibar-Liquiça.

Jornalista : Jesuína Xavier

Editór         : Cancio Ximenes

iklan
iklan

Leave a Reply

iklan
error: Content is protected !!