iklan

EDUKASAUN

Ministériu Edukasaun rejistu ona profesór reformadu hamutuk 3930

Ministériu Edukasaun rejistu ona profesór reformadu hamutuk 3930

Diretór Nasionál Rekursu Umanu iha Ministériu Edukasaun (ME), João Amaral. Foto, Osória ne'e/Tatoli.

DILI, 16 Janeiru 2025 (TATOLI) – Diretór Nasionál Rekursu Umanu iha Ministériu Edukasaun (ME), João Amaral, informa Ministériu Edukasaun rejista ona profesór reformadu hamutuk 3930 iha territóriu nasionál.

“Hosi númeru 3930 ne’e, ita-nia profesór ne’ebé ho idade 65 ba leten hamutuk 2748, invalidés iha 206 no profesór sobrevivénsia mak iha 876. Ida-ne’e mak agora ita rejistu no hein Komisaun Funsaun Públika nia desizaun no hein lei obrigatóriu”, João ne’e hateten iha nia knaar fatin, Vila Verde, Dili, kinta ne’e.

Amaral esklarese katak profesór reformadu ne’e Ministériu Edukasaun simu pedidu hosi profesór sira ne’ebé ho idade atinje ona ba 65 ba leten nune’e sira mós husu atu deskansa.

“Ami simu pedidu hosi profesór idade reforma sira katak sira-nia idade 65 ba leten ona no tanba bazeia ba lei reforma obrigatóriu mós iha ona atu profesór reformadu automatikamente para hanorin tanba kondisaun”, nia dehan.

Aleinde ne’e, profesór ne’ebé moras, labele hanorin ona, sira ne’e husi Munisípiu Aileu 12, Ainaro 11, Baucau 53, Bobonaro 34, Covalima 33, Dili 63, Ermera 3, Lautém 4, Liquica 26, Manatuto 18, Manufahi 24, Rejiaun Administrativu Espesiál Oé-cusse Ambeno (RAEOA) iha 9 no Viqueque iha 16.

Nia dehan, professor sira maioria moras estroke, Defisiénsia mentál no moras seluk tan.

Jornalista: Osória Marques

Editór : Zezito Silva

iklan
iklan

Leave a Reply

iklan
error: Content is protected !!