PR partisipa sesaun “importante” ida organiza hosi Arábia Saudita iha Davos
SUIÇA, 21 janeiru 2025 (TATOLI) – Prezidente Repúblika José Ramos-Horta partisipa iha sesaun matabixu ida-ne’ebé organiza hosi Arábia Saudita ho títulu “Halo Importante: Impulsiona Asaun Liuhusi Fórum Internasionál sira” iha marjen Fórum Ekonómiku Mundiál, iha Saudi House, Davos, tersa ne´e.
Bainhira to´o fatin, Prezidente repúblika nian simu kedas husi Ministru negósiu estranjeiru Reinu Arabia Saudita, Prinsipé Faisal bin Fahan bin Abdullah.
Fórum ida-ne’e foku liu ba destaka importánsia krítiku atu hametin kolaborasaun internasionál hodi rezolve dezafiu globál sira, ho foku partikulár ba estabilidade Médiu Oriente, utilizasaun efetivu ba fórum sira ba envolvimentu signifikativu, no garante responsabilizasaun iha kompromisu multilaterál sira.
Ida-ne’e subliña nesesidade atu halo reforma ba instituisaun multilaterál sira no haburas parseria sira ne’ebé metin entre governu sira no setór privadu hodi hasoru dezafiu sira ne’ebé fahe.
Diskusaun sira hato’o otimizmu kona-ba papél multilateralizmu nian, ne’ebé ekilibradu ho rekoñesimentu realista ida kona-ba nesesidade ba modernizasaun no kooperasaun globál ne’ebé sustentavel.
Jornalista: Jogerjo Guterres
Editór: Rafael Ximenes de A. Belo
