KOVALIMA, 26 Marsu 2025 (TATOLI) – Prezidente Repúblika José Horta, kuarta ne’e, tau ai-funan no sunu lilin iha monumentu Masakre Setembru Negro 1999, iha munisípiu Kovalima.
Sentidu husi xefe Estadu tau ai-funan no sunu lilin iha momentu Masakre Setembro Negro hanesan parte ida presta omenazen no fó onra ba éroi sira iha momentu Masakre setembru negro 1999.
Hafoin presta omenazen iha momentu Masakre Setembru Negro 1999, Prezidente Repúblika hamutuk ho komitiva la’o-ain husi momentu ne’e simu hosi ekipa drum band husi eskola Sekundáriu Jerál Públiku Seran Kotek .
Molok PR hala’o atividade distribuisaun nesesidade bázika no espesiál lia-na’in sira husi Suku Kamenasa simu xefe Estadu ho lia-dadolin tuir kultura suku Kamenasa, Postu administrativu Suai, Munisípiu Kovalima.
Bazeia ba Ajenda ne’ebé Jornalista TATOLI asesu husi komisaun organizadora, durante prezensa Prezidente Repúblika (PR) iha munisípiu Kovalima ne’e, akompaña husi asesór prinsipál asuntu polítika PR, Eis-Jenerál reformadu Lere Anan Timur, reprezenta Ministériu Edukasaun, Sekretáriu Estadu Arte no Kultura no Sekretáriu Estadu Dezenvolvimentu Lokál, Vise-ministru asuntu Infraestrutura MOP , Vise-ministru Komérsiu Indústria.
Xefe Estadu mai iha munisípiu Kovalima hodi hala’o atividade sira hanesan,iha loron 26 Marsu hala’o atividade sira hanesan PR distribui nesesidade bázika ho nesesidade Espesiál sira ba família kbiit naton hafoin kontinua atividade halo Lansamentu ba atividade Kurrida Kavalo no dada tali iha suku Suai loro.
Iha loron 27 Marsu hala’o atividade hanesan, distribui nesesidade bázika ba família kbiit naton no entrega materiál konstruisaun Kapela iha aldeia Ai oan, Suku Lalaua, postu Tilomar.
Hafoin kontinua hala’o uma Mahon sentru esperansa ba feto iha Salele no kontinua partisipa eventu Korrida Kavalo.
Iha loron 28 Marsu ne’e hala’o distribuisaun nesesidade bázika, nesesidade espesiál ba família kbiit naton no materiál konstruisaun kapela Maukola, iha Postu administrativu Zumalai.
Jornalista:Celestina Teles
Editór:Rafael Ximenes de A. Belo
