Servisu munisipál agrikultura Kovalima rekolla ona dadus kultivasaun batar
KOVALIMA, 17 Abríl 2025 (TATOLI) – Servisu Munisipál agrikultura munisípiu Kovalima rekolla ona dadus kultivasaun batar époka ba dahuluk hamutuk tonelada 4,119,31.
Xefe Departamentu Programa Estensaun Agríkola, Filomeno Saldanha, informa katak kultivasaun batar époka ba dahuluk hamutuk 4,119,31 mai husi postu administrativu hitu, iha munisípiu Kovalima.
“Kultivasaun batar époka ba dahuluk liuhusi Prátika agrikuktura di’ak (PAD) 142,85 kultivasaun konvensionál 3 264,85 no tradisionál 711,51”, Filomeno Saldanha dehan ba TATOLI, iha Tabakolot, ohin.
Tuir dadus 4,119,31 mai husi postu administrativu hanesan Fatululik prátika agrikultura di’ak ho konvensionál la iha no kuda ho tradisionál 119,79. Fatumea Prátika agrikultura di’ak (PAD), konvensionál no tradisionál hamutuk 304,85. Fohorem hamutuk 326,25 mai husi PAD la iha, kultivasaun konvensionál 25,5 no tradisionál 300,75.
Postu Administrativu Maukatar hamutuk 806.3 PAD 15, konvensionál 791 no tradisionál la iha. Suai hamutuk 1389,65 mai husi PAD 41,1, konvensionál 1057,55 no tradisionál 291.
Tilomar 442,25 mai husi PAD 68, konvensionál 374,25 no tradisionál la iha no Postu administrativu Zumalai hamutuk 730,25, mai husi PAD 12,25, konvensionál 718 no tradisionál la iha.
Jornalista:Celestina Teles
Editór: Rafael Ximenes de A. Belo
