DILI, 02 Juñu 2025 (TATOLI)—Federasaun Futeból Timor-Leste (FFTL) liuhusi Diresaun Árbitrazem konvida Instruktór sira husi Federation International Football Asosiation (FIFA) hodi hala’o refreska nasionál ba árbitu timoroan na’in-36 iha Timor-Leste.
Instruktór sira husi FIFA mak Referee Development Officer, MOHD Rodjali Yakob, Instruktór Fitnesh, Ahmad Chalidi Supian no Instruktó Thecnic, Widiya Habibah Shamsuri.
Adjuntu Sekretáriu Jerál no Rekursu Humanu FFTL, Fernando Baptista Xavier, ekoraja árbitru sira atu aproveita didi’ak oportunidade ne’e atu atualiza nafatin koñesementu kona-ba regulamentu sira-ne’ebe iha ona no ba mós regra foun sira.
“Arbitrazen mós sai hanesan fatór determinante iha kampu atu deside kualidade jogu nian, nune’e husu atu nafatin brani hodi foti desizaun sira-ne’ebe loos ho rigor tuir regulamentu sira,” Fernando hateten iha serimónia refreska ansionál ne’e, iha Salaun Xanana Sport Center, ohin.
Iha okaziaun ne’e, Diretór Árbitrazen FFTL Nivio da Costa Fernandes hateten, Refreska Nasionál ba árbitrazen importante tebes ba arbitrajen sira.
“Atividade ne’e nia objetivu prinsipál mak atu atualiza koñesementu teknikál Lows of the game, no atu uniforma tán árbitrazen sira-nia abilidade ka skills tuir konseitu FIFA no philosophy skills,” Nivio tenik.
Refreska Nasionál ba áabitrazen ne’e, organiza direta husi Diretór Árbitrazen FFTL Nivio da Costa Fernandes ho nia ekipa, ne’ebe árbitru hamutuk ema na’in-36, ne’ebe kompostu husi mane na’in-30 no feto na’in-neen (6) mak partisipa no ramata árbitu sira mós simu kedas ho sertifikadu.
Jornalista : Hortencios Sanchez
Editór : Cancio Ximenes
