DILI, 23 Jullu 2025 (TATOLI) – Atleta Portugal no Mosambike mane no feto – mesak (singular) no par (dupla), lidera semi finál iha kampu tenis, iha UNTL Liseu, Dili.
Iha jogu ne’e, dahuluk husi atleta Portugal ho naran António Rodrigues hasoru atleta Mosambike ho naran Amin Rosa ne’ebé ho set dahuluk Portugal neen (6) no Mosambike rua (2). Tuirmai, iha set daruak Portugal mantein neen (6) no Mosanbike ba iha haat (4).
Atividade kompetisaun ne’e rasik, hahú iha tuku 14:30 no lidera hosi arbitru timoroan, Patrício Fereira. Iha defrontasaun entre atleta portugés no mosambikanu ne’e, vitória pertense ba portugés iha semi-finál tenis kampu. Alias, Portugal mak sai manan-na’in.
Iha eventu ne’e, kontinua ba iha mistu (pares) husi atleta portugés ho naran Sofia Ferreira no António Rodrigues kontra atleta mosambike ho naran Leticia Jandamela ho Amin Rosa.
Ho tékniku, abilidade no esperiénsia ne’ebé iha, iha jogu ne’e, iha set dahuluk Portugal ho skór neen (6) no Mosambike rua (2). No, iha set daruak Portugal mantein neen (6) enkuantu Mosambike haat (4). Eventu desportivu rakete ne’e arbitru jogu lian no hahú iha tuku 16h30, ramata iha 17h30.
Arbitru ba jogu modalidade tenis ne’e husi Timoroan ho naran Qualtero Gusmão. Husi ne’e ho oras ne’ebé hanesan femenina Portugeza hasoru femenina Angolana iha kampu B UNTL sentrál Dili.
Husi jogu ne’e femenina Portugal ho naran Beatriz Angelico hasoru no femenina Angolana ho naran Filomena Gonçalves ho set dahuluk Portugal neen (6) no Angola zero (0). Nune’e, iha set daruak Portugal femenina mantein ho neen (6) no Angolana nafatin zero (0). Enkuantu arbitu ba jogu referidu lidera husi husi Timoroan ho naran José de Jesus.
Nune’e Jogu modalidade tenis kampu, Portugal kontinua sai mana-na’in iha semi finál ne’e.
Husi Jogu ne’e kontinua kedas jogu pár mistu husi Timor-Leste ho Mosanbike ne’ebé hala’o iha UNTL Liseu, Dili.
Husi atleta pares ka mistu, Timor-Leste reprezenta husi atleta Graciabeth Valosa no Frans da Silva hodi defronta atleta Mosanbike, Leticia Jandamela ho Amin Rosa.
Iha jogu ne’e, iha set dahuluk Timor-Leste haat (4) no Mosanbike neen (6). Depois, iha set daruak, Timor-Leste zero (0) no Mosambike neen (6) nune’e jogu referidu, Mosambikanu sira mak hetan vitória iha semi-finál.
Jogu hahú iha tuku 18:45 no ramata iha 17:30 nune’e arbitu mai husi Timoroan ho naran Agapito Perreira.
Nune’e iha modalidade tenis kampu ba par (mistu), atleta husi Mosambike maka sai vensedora.
Jornalista : Felicidade Ximenes
Editór: Rafael Ximenes de A. Belo
