Janeiru-Juñu: CI rejista kuantidade notísia TATOLI aas liu mídia seluk

DILI, 29 Agostu 2025 (TATOLI)—Konsellu Imprensa (CI, sigla portugés) rejista mídia estatál Agência Notisioza Tatoli, Institutu Públiku (TATOLI, I.P) nia notísia mak domina ho totál notísia hamutuk 2,462 iha trimestre dahuluk no daruak, kompara ho orgaun mídia sira seluk iha Timor-Leste.
Diretór Análiza Mídia no Dezenvolvimentu Mídia Konsellu Imprensa, Alberico da Costa Junior, hateten avaliasaun ba produtu jornalístiku sira-ne’e ba mídia online, eletrónika no mós mídia imprime tuir kategória notísia ne’ebé mak iha.
“Notísia ne’ebé mak ita rejista barak liu mak husi Agênsia Notisioza Tatoli no barak liu mós iha asuntu polítika, maibé mídia seluk mós hanesan domain liu iha asuntu polítika,” Diretór ne’e esplika ba jornalista sira iha salaun konferénsia CI, Kintal Boot, ohin.
Ida-ne’e, nia dehan, bazeia ba kuantidade dadus notísia ne’ebé mak Konsellu Imprensa rejista husi Agência Notisioza Tatoli iha semestre dahuluk hamutuk 1,193 ne’ebé kompostu husi kategória polítika 305, ekonomia 212, justisa 53, defeza 19, inkluzaun sosiál 69, seguransa 64, dezenvolvimentu 38, saúde 79, desportu 58, infraestrutura sia (9), edukasaun 161, agrikultura 21, relijiaun 10, sosiedade sivíl hitu (7) no internasionál 88.
Enkuantu iha trimestre daruak nian ho totál kuantidade notísia hamutuk 1,269, kompostu husi kategória polítika 344, ekonómia 138, justisa 142, defeza 10, inkluzaun sosiál 67, seguransa 58, dezenvolvimentu 26, saúde 129, desportu 41, infraestrutura 25, edukasaun 149, agrikultura haat (4), relijiaun 27, sosiedade sivíl 21 no internasionál 88.
Aleinde ne’e, mídia Hatutan.com ho kuantidade notísia hamutuk 282, SMNews hamutuk 30, SapNews hamutuk 234, Lafaek News hamutuk 107, Media Mudansa hamutuk 81, VIP hamutuk 116, Luluwary hamutuk 145, Dili Weekly hamutuk 102, Diligente hamutuk 17, Lian Orluli 16.
Kuantidade notísia iha jornál Timor Post hamutuk 740 no notísia de’it hamutuk 384, Jornál Dili Post hamutuk 164 no notísia de’it hamutuk 544, jornál Independente hamutuk 645 no notísia de’it hamutuk 287, jornál diáriu nasionál GMN hamutuk 385 no notísia de’it hamutuk 218, jornál Suara Timor-Lorosa’e (STL) hamutuk 506 no notísia de’it hamutuk 311.
Jornalista : Alexandra da Costa
Editór : Cancio Ximenes

