Janeiru-Outubru, IGEADE kontribui reseita rihun $130 ba kofre Estadu
DILI, 22 Outubru 2025 (TATOLI)—Institutu Jestaun Ekipamentu bo Apoiu Dezenvolvimentu Infraestrutura (IGEADE), husi Janeiru to’o Outubru, rekolla ka kontribui reseita hamutuk rihun $130 ba kofre Estadu.
Prezidente nstitutu Jestaun Ekipamentu bo Apoiu Dezenvolvimentu Infraestrutura (IGEADE), Ana Paula da Cruz, hateten reseita ne’ebé Governu fó ba IGEADE tenke arrekada kada tinan ba kofre Estadu ne’e hamutuk rihun $150, maibé atinjimentu hu Janeiru-Outobru IJEADI rekolla reseitas hamutuk rihun $130-resinsi Janeiru to’o Outobru ne’e atinje ona ba rihun $130, nune’e sei presiza tan rihun $20 hodi halo kompleta resitasEstadu ba tinan ida-nian.
“Ha’u hanoin ami bele kobre hotu reseita sira-ne’e iha fulan-Novembru no Dezembru nia laran hodi halo kompleta ba tinan ida-nian,” Prezidente ne’e informa ba Agência Tatoli liuhusi telefónika, ohin.
IGEADE halibur reseita hamutuk $139.264 ne’e kompostu husi fulan-Janeiru kobre $4010.064.04, Fevereiru $6.022.88, Marsu $10.267.16, Abril $8.455.48, Maiu $7.805.00, Juñu $10.863.96, Jullu $14.969.44, Agostu $15.955.32, Setembru $39.976.04 no Outobru rekolla $20.885.08.
Reseita sira-ne’e rekolla husi fonte sira hanesan kompañia ka komunidade balun aluga mákina pezadu no mós faan fatuk kerikil ba komunidade no kompañia balun ne’ebé mak sosa.
Aleinde ne’e, nia dehan, iha tinan 2026 ne’e IGEADE sei konstrui moru ba brigada lima hanesan iha Dotik, Maliana, Maubara, Baukau no ida iha Natarbora.
“Tinan ida-ne’e ami iha planu atu konstrui uluk moru protesaun ba mákina sira-ne’ebé mak destaka ba iha fatin ne’ebé oferese husi komunidase iha Dotik Manufahi,” nia dehan.
Mekanizmu sira-ne’e atu garante nafatin seguransa ba mákina sira-ne’ebé iha bainhira komunidade balun utiliza sala ahi, tamba ne’e ami tau uluk planu ba aprograma ida-ne’e hodi garante nafatin kondisaun ne’ebé di’ak ba mákina sira.
Jornalista : Alexandra da Costa
Editór : Cancio Ximenes
