Governu sei prepara lei hodi regula utilizasaun motór elétrika iha TL
DILI, 26 Janeiru 2026 (TATOLI)—Governu liuhusi Diretora Diresaun Nasionál Transporte Terrestre, Maria Antónia, hateten sira sei prepara lei enkuadramentu ida hodi regula utilizasaun motór elétriku iha Timor-Leste.
Notísia Relevante: Motor elétrika no tumtum la priense rekizitu Lei Kódigu Estrada
“Ita seidauk halo lisensiamentu ba motór elétrika tanba ita tenke prepara regulamentu ba ida ne’em,” Diretór Nasionál ne’e informa ba Agência Tatoli iha nia kna’ar fatin, Balide, Díli, ohin.
Dirijente ne’e afirma, loos duni labarik barak mak kondús motór elétrika ne’e tula malu sein uza kapasete, entaun ami sei koordena ho polísia tránzitu hodi halo atauasaun ba asuntu ida-ne’e.
“Aleinde ne’e, tanba agora ita uza hela dekretu-lei nú. 64/2002, kona-ba kondisaun ba importasaun veíkulu ne’e kompeténsia husi ALFANDEGA nian mak autoriza importasaun motór sira-ne’e, nune’e sira sei halo revizaun ba dekretu-lei ida-ne’e para regula impostasaun transporte,” nia informa.
Notísia Relevante: Governu presiza regulariza sirkulasaun bisikleta elétrika
Jornalista : Alexandra da Costa
Editór : Cancio Ximenes
