Top

Governu presiza regulariza sirkulasaun bisikleta elétrika

Ilustrasaun bisikleta elétrika. Imajen/Espesiál.

DILI, 06 marsu 2024 (TATOLI)—Deputadu hosi bankada CNRT iha Parlamentu Nasionál (PN), Natalino dos Santos, husu Governu liuhosi ministériu relevante presiza regulariza sirkulasaun bisikleta elétrika iha rai-laran.

Notísia Relevante: PNTL sei koordena DRTT regula bisikleta elétrika sirkula iha Oé-Cusse

“Ha’u hakarak foti kestaun ida-ne’e relasiona ho buat ne’ebé uluk ha’u foti tiha ona, liuliu kona-ba bisikleta elétrika. Bisikleta elétrika ne’e agora iha Indonézia sira komesa tau ona regra hodi bandu, maibé iha Timor kuaze barak no labaraik sira uza mak hanesan mós ho motor no sira la uza kapasete, ida ne’e perígu tebes ba ema-nia vida. Tanba ne’e, husu Governu atu regulariza,” Deputadu Natalino hateten iha Parlamentu Nasionál.

Tanba, nia dehan, maiória menoridade mak kondús la tuir regra tránzitu nian hodi movimenta iha estrada públiku, nune’e presiza regulariza.

Aleinde ne’e, membru hosi órgaun lejislativa ne’e husu ezekutivu atu regula mós Tumtum, tanba Rumtum agora kuaze iha munisípiu hotu-hotu komesa iha ona, no nia sirkulasaun tula pasajeiru sira maibé balun laiha karta kondusaun.

“Oinsá atu regulariza, tanba sira lori ema-nia vida, sira tula ema barak. Kuandu dezastre ruma, sé mak responsabiliza. Tanba ne’e husu polísia atu rezolve asuntu ne’e,” nia hateten.

Jornalista : Nelson de Sousa

Editór       : Cancio Ximenes

Publisidade

Leave a Reply

Latest Post

error: Content is protected !!