VIKEKE, 19 Juñu 2026 (TATOLI)—Sentru Viveiru Ikan Nila husi Ministériu Agirkultura, Peska, Pekuária no Floresta (MAPPF) ne’ebé lokaliza iha Suku Loihunu, Postu Administrativu Ossú, Munisípiu Vikeke, konklui kolleta ikan nila iha époka ida-ne’e hamutuk tonelada 554.
Diretór Servisu Ministériu Agrikultura, Peska, Pekuária no Floresta (SMPPF) Munisípiu Vikeke, Olívio Soares Freitas, haktuir ikan tonelada 554 fa’an ba kada kilógrama ho presu $3.50.
Notísia relevante:Sentru Viveiru Loihunu hahú kolleta ikan nila
Husi reseita ne’ebé rekolla husi Sentru Viveiru Loihunu ne’e ita la rai iha Munisípiu Vikeke, maibé ita hatama hotu ba kofre Estadu. Ita servisu mak oinsá kontrola, fó han ikan sira. Daudaun ne’e kolam sira-ne’e ita nafatin prepara ikan oan hodi apoiu ba komunidade sira-ne’ebé haki’ak ikan,” Olívio ba TATOLI iha Postu Vikeke, Sesta ne’e.
Tuir dadus, reseita husi Sentru Viveiru Luihunu ba tinan tolu ne’e hahú husi 2024 kolleta tonelada 500, rendimentu hamutuk $1.500, iha 2025 kolleta tonelada 590, rendimentu $2.065 no tinan 2026 kolleta 554, reseita hamutuk $1.939.
Jornalista: Vitorino Lopes da Costa
Editór: Xisto Freitas da Piedade
