iklan

LAUTÉM, MUNISÍPIU

PLP Munisípiu Lautem Apoiu Kandidatu António Kalohan

PLP Munisípiu Lautem Apoiu Kandidatu António Kalohan

LOSPALOS (ANTIL)—Partidu Libertasaun Populár (PLP) Munisípiu Lautém deklara apoiu Kandidatu Prezidenti Repúblika periodu 2017-2022, António da Conceição “Kalohan”.

Deklarasaun apoiu ba Kandidatu Kalohan ne´e fó sai hosi Konselleiru Partidu Libertasaun Populár (PLP) Munisípiu Lautém, Renan Selak, iha abertura kampaña Kandidatu Kalohan iha Kampu Futeból Postu Administrativu Lospalos, Munisípiu Lautem, Sesta (03/03/2017).

Renan haktuir, desizaun fó apoiu ba Kalohan ne´e ho objetivu katak tempu to´o ona fó estafeta ukun ba jerasaun foun no apoiu ida ne´e mós atu difini aliadu estratéjiku ba eleisaun parlamentár iha fulan hirak tuir mai.

Konsileiru PLP Munisípiu Lautem, Renan Selak.
Konsileiru PLP Munisípiu Lautem, Renan Selak.

“Ha´u fó presaun ba Diresaun Nasionál PLP atu difini ita nia aliadu estratéjiku. Ita labele fó liberdade ba ita nia militante sira atu vota ho konsiénsia ba kandidatu prezidenti sira tanba nu´udar partidu polítiku ida ita hatudu frakeza ba partidu sira seluk,” Renan Selak dehan iha nia entrevista ba ANTIL.

Tanba ne´e, nia haktuir, iha ona rekomendasaun hosi Diresaun Nasionál PLP atu PLP Munisípiu Lautém apoiu %100 ba kandidatu António Kalohan no iha tempu badak mós Diresaun Nasionál sei hola desizaun atu PLP tomak sei vota ba Kandidatu António da Conceição.

“Ba ha´u hanesan jerasaun tuan, di´ak liu hahú agora fó fatin ba jerasaun foun atu ukun, nune´e keta iha buat ruma ami interven diretamente. Ne´e di´ak liu duké ami mate hotu maka troka ne´e problema boot,” eis deputadu bankada UNDERTIM subliña. 

Jornalista: Xisto Freitas / Editor: Gantry Meilana

iklan
iklan

Leave a Reply

iklan
error: Content is protected !!