PLP Avalia Programa Partidu

DÍLI, (TATOLI) – Estrutura Partidu Libertasaun Popular (PLP)iha Kinta(30/03) hala’o avaliasaun ba atividades no programa Partidu hafoin legaliza husi Tribunal de Rekursu nudar partidu iha loron 9 dezembru 2016.
“Ohin ami hala’o avaliasaun ida konaba kampañia Prezidensiál no atividades Partidu nian hotu atu nune’e foti fali desizaun foun hodi sai orientasaun ba bazé hodi lao tuir koridor Partidu,”dehan Primeiru Vise-Presidente Partidu, Sabino Soares Guntur
Iha enkontru entre estrutura nasional no kordenador munisipiu ne’e deskuti mós konaba Atividade konsolidasaun no preparasaun ba konferensia nasional hodi hakat ba kampanha Parlamentar 2017.
“iha Konferensia nasionál ne’e atu diskuti konaba manual Politika, estatutu no estrutura partidu,”tenik Primeiru Vise PLP.(Jornalista Agapito dos Santos/ Editor : Alberto Alves)

