DILI, (TATOLI) – Prezidente Repúblika eleitu, Francisco Guterres Lú-Olo hateten sei deklara rikusoin ba Tribunál Rekursu iha tempu besik.
ʺDeklarasaun rikusoin no deklara saida de’it, ha’u sei deklara hotuʺ, katak Lú-Olo ba jornalista sira iha Comité Centrál FRETILIN (CCF) Komoro, tersa, (18/4).
Maibé, nia la-deside data bainhira atu hakat ba Tribunál Rekursu. “Ha’u sei haree tok lei ne’e hateten ha’u atu deklara antes simu pose ou depois”, tenik.
Antes ne’e, Prezidente Repúblika, Taur Matan Ruak mós deklara ona rikusoin hafoin asume kargu nu’udar Xefe Estadu.
Jornalista: Agapito dos Santos
Editora: Rita Almeida