DILI, (TATOLI) – Primeiru Ministru, Marí Alkatiri hateten sei aprejenta programa no orsamentu retifikativu ba Parlamentu Nasionál hafoin kompleta estrutura governu da-hituk iha semana oin.
“Ita sei aprejenta hafoin aprova programaʺ, Xefe Governu ba jornalista sira iha Palásiu Prezidensiál Nicolau Lobato Bairo-Pite, ohin, hafoin aprejenta lista membru governu ba Prezidente Repúblika, Francisco Guterres Lú Olo.
Antes ne’e iha reuniaun dahuluk Konsellu Ministru, Xefe Ezekutivu ne’e husu ona ba membru governu sira atu aprejenta programa no orsamentu.
Programa governu nian maka oinsá atu hala’o dezenvolvimentu ida integradu hodi halakon kiak ba moris di’ak povu nian.
Ho nune’e, Alkatiri konfia deputadu sira iha PN sei vota a favór ba programa no orsamentu ne’ebé governu sei aprejenta.
Jornalista: Agapito dos Santos
Editora: Rita Almeida
