DILI, (TATOLI) – Ministru Reforma Lejislativa no Asuntu Parlamentár, Fidelis Leite Magalhães, hateten proposta Orsamentu Jerál Estadu (OJE) 2018 ho montante billaun 1.218 sei fó prioridade ba funsionamentu makina Estadu.
“Orsamentu ne’e asegura funsionamentu makina Estadu; adminstrasaun públika, saláriu no vensimentu, bolsa da mãe, idozu no selu divida sira ne’e para tinan oin ne’e ita laiha ona dividasʺ, hateten ministru ba jornalista sira iha Parlamentu Nasionál, ohin.
Governante hateten totál proposta OJE ne’e governu kalkula ba tinan tomak 2018 ne’ebé hahú hosi janeiru to’o dezembru. Enkuantu setembru to’o dezembru, governu sei gasta millaun 700 resin hodi funsiona makina Estadu.
Ohin governu submete ona proposta OJE 2018 ba PN hodi ajenda ba diskusaun iha plenária PN. “Planu governu ohin submete ona proposta Orsamentu Jerál Estadu 2018 ba Parlamentu Nasionálʺ, katak.
Jornalista: Agapito dos Santos
Editora: Rita Almeida
