DILI, (TATOLI) – Relasiona ho desizaun Prezidente Repúblika, Francisco Guterres Lú Olo, ohin promulga ona Orsamentu Jerál Estadu (OJE) 2018 billiaun $1.2, governu promete sei ezekuta hotu.
Sekretáriu Estadu Komunikasaun Sosiál, Merício Juvenal dos Reis Akara, hateten governasaun da-ualu apresia ho desizaun Xefe Estadu hodi hakotu ona impase polítika iha rai-laran.
ʺAmi governu sei esforsu-án atu ezekuta, tanba ho limitasaun tempu tuir planu no alokasaun orsamentu ne’ebé aprezenta iha parlamentuʺ, dehan governante ne’e ba ajénsia Tatoliiha Palásiu Governu, ohin.
OJE 2018 sei rezolve divida Estadu, funsiona mákina Estadu no aselera prosesu dezenvolvimentu.
“Obstaklu tempu atu ezekuta, tanba falta fulan tolu maibé sei hakaas ho prioridade ne’ebé iha atu ezekuta ho kapasidade no kualidadeʺ, tenik.
Governu konsidera desizaun Prezidente Repúblika ne’e pasu pozitivu hodi apoiu prosesu desenvolvimentu Nasaun.
Jornalista: Agapito dos Santos
Editora: Rita Almeida
